അസിം പ്രേംജി 15.9 ബില്യന്‍ ഡോളറുമായി മൂന്നാം സ്ഥാനത്താണ്. ഹിന്ദുജ ബ്രദേഴ്‌സ്, പല്ലോന്‍ജി മിസ്ത്രി, ശിവ്‌നാടാര്‍ തുടങ്ങിയവരാണു ഫോര്‍ബ്‌സ് പട്ടികയില്‍ യഥാക്രമം മൂന്നും നാലും അഞ്ചും സ്ഥാനത്തുള്ളവര്‍. രവി പിള്ള നാല്‍പതാം സ്ഥാനത്താണ് (2.4 ബില്യന്‍ ഡോളര്‍). സണ്ണി വര്‍ക്കി (47–ാം സ്ഥാനം, രണ്ട് ബില്യന്‍ ഡോളര്‍). ക്രിസ് ഗോപാലകൃഷ്ണന്‍ (67–ാം സ്ഥാനം, 1.7 ബില്യന്‍ ഡോളര്‍). ആസാദ് മൂപ്പന്‍ (81–ാം സ്ഥാനം, 1.5 ബില്യന്‍ ഡോളര്‍), പി.എന്‍.സി. മേനോന്‍ (91–ാം സ്ഥാനം, 1.2 ബില്യന്‍).
കഴിഞ്ഞ വര്‍ഷം നാല്‍പതാം സ്ഥാനത്തായിരുന്ന യൂസഫലി ഇത്തവണ ആദ്യ 25ല്‍ സ്ഥാനം പിടിച്ചു. 170 ദശലക്ഷം ഡോളറിനു ലണ്ടനിലെ സ്‌കോട്‌ലന്‍ഡ് യാര്‍ഡ് കെട്ടിടം വാങ്ങിയ അദ്ദേഹം ആഫ്രിക്ക, തെക്കുകിഴക്കന്‍ ഏഷ്യ, ഇന്ത്യ എന്നിവിടങ്ങളിലേക്കും പ്രവര്‍ത്തനം വ്യാപിപ്പിച്ചു. എബ്രയര്‍ ലീഗസി 600 ജെറ്റ് വിമാനം വാങ്ങിയ യൂസഫലി ഉടന്‍ ഗള്‍ഫ്‌സ്ട്രീം 550 എന്ന വിമാനം സ്വന്തമാക്കാന്‍ പദ്ധതിയിടുന്നതായി ഫോബ്‌സ് മാഗസിന്‍ പറയുന്നു.
പട്ടികയിലുള്ള വിദേശ ഇന്ത്യക്കാരില്‍ ഒന്‍പതുപേര്‍ യുഎഇയില്‍ നിന്നാണ്. മിക്കി ജഗ്തിയാനി (17), യൂസഫലി (24), രവി പിള്ള (40), സണ്ണി വര്‍ക്കി (47), സുനില്‍ വാസ്‌വാനി (48), ബി.ആര്‍. ഷെട്ടി (66), ആസാദ് മൂപ്പന്‍ (81), പി.എന്‍.സി. മേനോന്‍ (91), രഘുവീന്ദര്‍ കടാരിയ (100) എന്നിവരാണു പട്ടികയിലെ യുഎഇ വ്യവസായികള്‍.
No comments:
Post a Comment