എംബസി ജീവനക്കാരന്റെ വീട്ടിലേക്ക് പുതുതായി നിയമിക്കപ്പെട്ട ജോലിക്കാരിയാണ് സംഭവം പുറത്തുകൊണ്ടുവന്നത്. ഇവരുടെ ദുരവസ്ഥ കണ്ട് അവിടെനിന്നും രക്ഷപ്പെട്ട യുവതി ‘മെയ്ത്തി ഇന്ത്യ’ എന്ന സംഘടനയില്‍ വിവരം അറിയിക്കുകയായിരുന്നു. വിവരം അറിഞ്ഞ നേപ്പാള്‍ എംബസിയും പരാതി സമര്‍പ്പിച്ചു.
നേപ്പാള്‍ സ്വദേശിനികളാണ് അമ്പതും ഇരുപതും വയസ്സുള്ള സ്ത്രീകള്‍. സംഭവത്തില്‍ വിശദമായി റിപ്പോര്‍ട്ട് സമര്‍പ്പിക്കാന്‍ പോലീസിന് നിര്‍ദേശം നല്‍കിയതായി വിദേശകാര്യ മന്ത്രാലയം വ്യക്തമാക്കി. സൗദി എംബസിയുമായും ബന്ധപ്പെട്ടുകൊണ്ടിരിക്കുകയാണെന്നും അധികൃതര്‍ അറിയിച്ചു.
നയതന്ത്രജ്ഞനും അദ്ദേഹത്തിന്റെ കൂട്ടുകാരും അതിഥികളുമടക്കമുള്ളവര്‍ തങ്ങളെ ബലാത്സംഗം ചെയ്തതായാണ് പരാതി. എന്നാല്‍, സൗദി എംബസി സംഭവം നിഷേധിച്ചു. പൂര്‍ണമായും തെറ്റായ കാര്യമാണിതെന്നും ഇന്ത്യന്‍ സര്‍ക്കാര്‍ നയതന്ത്ര രീതിയനുസരിച്ച് ഇക്കാര്യത്തില്‍ വ്യക്തത വരുത്തുന്നത് കാത്തിരിക്കുകയാണെന്നും എംബസി അധികൃതര്‍ പറഞ്ഞു.
Keywords:International News, Kerala Vartha, Malabarflash, Malabar news, Malayalam News
No comments:
Post a Comment