പൊലീസ് പറയുന്നത് ഇങ്ങനെ: മനോദൗര്ബല്യമുള്ള സലീന വീട്ടില് ഉപയോഗിക്കുന്ന കത്തിയെടുത്ത് കിടപ്പുമുറിയില് ഉറങ്ങിക്കിടക്കുകയായിരുന്ന ഫൈസലിന്റെ കഴുത്തിനും നെഞ്ചിലും കുത്തി. തടയാന് ചെന്ന ഭര്തൃമാതാവ് കദീജയെ തട്ടിമാറ്റി, കുഞ്ഞിനെയെടുത്ത് സലീന വീട്ടുമുറ്റത്തെ കിണറ്റില് ചാടി.
കദീജയുടെ നിലവിളികേട്ട് ഓടിക്കൂടിയ നാട്ടുകാര് പരുക്കേറ്റു കിടന്ന ഫൈസലിനെ എടപ്പാളിലെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല. കിണറിന്റെ ഗ്രില്ല് ഇളകിക്കിടക്കുന്നതുകണ്ട് കിണര് പരിശോധിച്ചപ്പോഴാണ് സലീനയെയും ഫഹീമിനെയും മരിച്ച നിലയില് കണ്ടത് . അഗ്നിശമനസേന എത്തി കിണറ്റില്നിന്ന് മൃതദേഹങ്ങള് പുറത്തെടുത്തു.
തൃശൂര് ഗവ. മെഡിക്കല് കോളജില് പോസ്റ്റ്മോര്ട്ടം നടത്തിയശേഷം രാത്രിയോടെ മൂന്നുപേരുടെയും മൃതദേഹം അവിണ്ടിത്തിറ ജുമാ മസ്ജിദില് കബറടക്കി. സലീന മനോദൗര്ബല്യത്തിന് ചികില്സയിലായിരുന്നെന്നും ദുരൂഹതകളില്ലെന്നും തിരൂര് ഡിവൈഎസ്പി ടി.സി. വേണുഗോപാല് പറഞ്ഞു. നെഞ്ചിലും കഴുത്തിലുമായി ഏഴു കുത്തുകളേറ്റിട്ടുണ്ടെന്നും പൊലീസ് പറഞ്ഞു. ഫൊറന്സിക് വിദഗ്ധര് വീടും പരിസരവും പരിശോധിച്ചു.
24 ദിവസം മുന്പാണ് ഫൈസല് ഷാര്ജയില്നിന്ന് അവധിക്കെത്തിയത്. 10 ദിവസം കഴിഞ്ഞ് തിരിച്ചുപോകാനിരിക്കുകയായിരുന്നു.
Keywords:Malappuram News, Kerala Vartha, Malabarflash, Malabar news, Malayalam News
No comments:
Post a Comment