കുളത്തില്‍ കുളിക്കാനിറങ്ങിയ വിദ്യാര്‍ത്ഥി മുങ്ങിമരിച്ചു

കാസര്‍കോട്: [www.malabarflash.com]കുളത്തില്‍ കുളിക്കാനിറങ്ങിയ 15 കാരന്‍ മുങ്ങിമരിച്ചു. ശ്രീബാഗിലു ചേനക്കുണ്ടിലെ അബ്ദുര്‍ റഹ്മാന്റെ മകന്‍ അജ്മല്‍ റമീസ് (15) ആണ് മരിച്ചത്. പട് ള ഗവണ്‍മെന്റ് ഹയര്‍സെക്കന്‍ഡറി സ്‌കൂളിലെ ഒമ്പതാംക്ലാസ് വിദ്യാര്‍ത്ഥിയാണ് റമീസ്. വെള്ളിയാഴ്ച വൈകിട്ടാണ് സംഭവം.

ശ്രീബാഗിലു തായലിലെ വലിയ കുളത്തില്‍ വൈകിട്ടോടെ കുളിക്കാനെത്തിയതായിരുന്നു. ഇതിനിടയില്‍ മുങ്ങിത്താഴ്ന്നപ്പോള്‍ സംഭവംകണ്ടവര്‍ ഫയര്‍ഫോഴ്‌സിലും പോലീസിലും വിവരം അറിയിക്കുകയായിരുന്നു.

ഫയര്‍ഫോഴ്‌സെത്തി കാസര്‍കോട് ജനറല്‍ ആശുപത്രിയിലെത്തിച്ചെങ്കിലും അപ്പോഴേക്കും മരിച്ചിരുന്നു. മൃതദേഹം ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.

Keywords: Kasaragod News, Kerala Vartha, Malabarflash, Malabar news, Malayalam News