ആര്.എസ്.എസ് ജില്ലാ ശാരീരിക് ശിക്ഷണ് പ്രമുഖ് മനോജ് കഴിഞ്ഞവര്ഷം കൊല്ലപ്പെട്ട കേസില് കഴിഞ്ഞ ആറിന് ഹാജരാകണമെന്ന് ആവശ്യപ്പെട്ട് സി.ബി.ഐ ജയരാജന് നോട്ടീസ് നല്കിയിരുന്നു. എന്നാല്, ആരോഗ്യ കാരണങ്ങളാല് ഒരാഴ്ചത്തേക്ക് ഹാജരാകാന് കഴിയില്ലെന്ന് അദ്ദേഹം സി.ബി.ഐയെ അറിയിച്ചു. തുടര്ന്നാണ് വീണ്ടും നോട്ടീസ് നല്കിയിട്ടുള്ളത് നേരത്തെ സി.ബി.ഐയുടെ തിരുവനന്തപുരം ഓഫീസില്വച്ച് അദ്ദേഹത്തില്നിന്ന് പ്രാഥമിക മൊഴിയെടുത്തിരുന്നു. വിശദമായ ചോദ്യംചെയ്യലിനുശേഷം അദ്ദേഹത്തെ കേസില് പ്രതിചേര്ക്കാനും അറസ്റ്റ് ചെയ്യാനുമുള്ള സാധ്യത തള്ളിക്കളയാനാകില്ലെന്ന് വിലയിരുത്തപ്പെടുന്നു.
വധ ഗൂഢാലോചന സംബന്ധിച്ച അന്വേഷണമാണ് സി.ബി.ഐ ഇപ്പോള് നടത്തുന്നത്. സി.പി.എമ്മുമായി ബന്ധമുള്ള 18 പേര്ക്കെതിരെ അന്വേഷണസംഘം നേരത്തെ കുറ്റപത്രം സമര്പ്പിച്ചിരുന്നു. കഴിഞ്ഞവര്ഷം സപ്തംബര് രണ്ടിനാണ് കതിരൂര് മനോജ് കൊല്ലപ്പെട്ടത്. 1999 ല് പി ജയരാജനുനേരെ നടന്ന വധശ്രമവുമായി ബന്ധപ്പെട്ട കേസിലെ പ്രതിയായിരുന്നു മനോജ്. വിചാരണക്കോടതി അദ്ദേഹത്തിന് തടവുശിക്ഷ വിധിച്ചുവെങ്കിലും ഹൈക്കോടതി പിന്നീട് സ്റ്റേചെയ്തിരുന്നു.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment