ബുധനാഴ്ച രാവിലെ 9.15 മണിയോടെയാണ് സംഭവം. മാവുങ്കാലിലെ ഓട്ടോ ഡ്രൈവറായ കണ്ണന് രാവിലെ പുല്ലൂര് ഭാഗത്തേക്ക് ഓട്ടോറിക്ഷയുമായി പോകുമ്പോള് എതിരെ വരികയായിരുന്ന ടവേര കാര് നിയന്ത്രണം വിട്ട് ഇടിക്കുകയായിരുന്നു.
ഓട്ടോയില് കുടുങ്ങിയ കണ്ണനെ സംഭവം കണ്ട് എത്തിയ പരിസരവാസികള് പുറത്തെടുത്തുവെങ്കിലും മരണം സംഭവിച്ചിരുന്നു. വിവരമറിഞ്ഞ് ഹൊസ്ദുര്ഗ് പോലീസും സ്ഥലത്തെത്തി. അപകടം വരുത്തിയ കാര് പോലീസ് കസ്റ്റഡിയിലെടുത്തിട്ടുണ്ട്.
തലക്കും നെഞ്ചിനുമേറ്റ മാരകമായ മുറിവാണ് കണ്ണന്റെ മരണത്തില് കലാശിച്ചത്.
ജാനകിയാണ് ഭാര്യ. മക്കള്: രഞ്ജിത്ത്, രജനി. സഹോദരങ്ങള്: കുഞ്ഞിരാമന്, കുറുമ്പി, രാജന്, രമേശന്, ഗിരീഷ്.
മൂലക്കണ്ടത്ത് വാഹനങ്ങള് അപകടത്തില്പ്പെടുന്ന സംഭവങ്ങള് വര്ദ്ധിക്കുകയാണ്. ടാങ്കര് ലോറികളും ഇരുചക്ര വാഹനങ്ങളും ഓട്ടോറിക്ഷകളും അടക്കം നിരവധി വാഹനങ്ങള് മൂലക്കണ്ടത്ത് അപകടത്തില്പ്പെടുന്നത് പതിവായിട്ടുണ്ട്. എത്രയോ മനുഷ്യ ജീവനുകളാണ് ഇവിടെയുണ്ടായ അപകടങ്ങളില് പൊലിഞ്ഞുപോയത്.
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment