മദ്രാസ് ഹൈക്കോടതിയുടെ മധുര ബഞ്ചിന്റെ ഉത്തരവിന്റെ പശ്ചാത്തലത്തിലാണ് ക്ഷേത്രങ്ങളിലെത്തുന്നവരുടെ ഡ്രസ് കോഡ് കര്ശനമായി നടപ്പാക്കാന് അധികൃതര് തീരുമാനിച്ചത്. ഇതനുസരിച്ച് വെളളിയാഴ്ച മുതല് സംസ്ഥാനത്തെ ക്ഷേത്രങ്ങളിലെത്തുന്ന സ്ത്രീകള് ജീന്സും ലെഗിന്സും കുട്ടിപ്പാവാടയും ധരിക്കാന് പാടില്ല. സാരിയും ചുരിദാറും ഹാഫ് സാരിയുമാകാം. പുരുഷന്മാര് മുണ്ടുടുക്കണം. ലുങ്കിയും ബര്മൂഡയും അനുവദിക്കില്ല. ഇത് സംബന്ധിച്ച സര്ക്കുലര് ഹിന്ദു റിലീജിയസ് ആന്ഡ് ചാരിറ്റബിള് എന്ഡോവ്മെന്റ് വകുപ്പ് പുറത്തിറക്കിയിരുന്നു.
സംസ്ഥാനത്തെ ഭൂരിഭാഗം ക്ഷേത്രങ്ങളിലും ഇക്കാര്യം വ്യക്തമാക്കികൊണ്ടുള്ള അറിയിപ്പും പതിച്ചിട്ടുണ്ട്. ക്ഷേത്രങ്ങളിലെത്തുന്നവര് ഡ്രസ് കോഡ് പാലിക്കേണ്ടതുണ്ടെന്ന് രണ്ടാഴ്ച മുന്പാണ് കോടതി ഉത്തരവിട്ടത്. പാശ്ചാത്യ രീതിയിലുള്ള വസ്ത്രങ്ങള് ധരിച്ച് ക്ഷേത്രങ്ങളില് എത്തുന്നവരുടെ എണ്ണം കൂടുകയാണെന്നും ജസ്റ്റിസ് വൈദ്യനാഥന് വ്യക്തമാക്കിയിരുന്നു.
Keywords: National News, Kerala Vartha, Malabarflash, Malabar news, Malayalam News
No comments:
Post a Comment