നൂറ്റാണ്ടുകളുടെ പഴക്കമുള്ള ആയിരം ജമാഅത്തില് അഞ്ചുവര്ഷത്തിലൊരിക്കലാണ് ഉറൂസ് നടക്കുന്നത്. ഉറൂസിനാവശ്യമായ വിഭവങ്ങളുമായി ക്ഷേത്ര സ്ഥാനികരെത്തുന്നത് വര്ഷങ്ങളായുള്ള ചടങ്ങാട്. ഇവിടെയെത്തുന്ന ക്ഷേത്രസ്ഥാനികരെയും വിശ്വാസികളെയും ഇളനീരും മധുരവും നല്കിയാണ് ജമാഅത്ത് ഭാരവാഹികള് സ്വീകരിക്കുക.
അരസു ക്ഷേത്രത്തില് എല്ലാവര്ഷവും മെയില് നടക്കുന്ന ഉത്സവത്തില് ആചാരവേഷങ്ങളോടെ ക്ഷേത്രവെളിച്ചപ്പാടുകള് പള്ളിയിലെത്തി ഭാരവാഹികളെ ക്ഷേത്രത്തിലേക്ക് ക്ഷണിക്കുന്ന ചടങ്ങുണ്ട്.
തുടര്ന്ന് ക്ഷേത്രത്തിലെത്തുന്ന ജമാഅത്ത് അംഗങ്ങളെ പ്രത്യേക ഇരിപ്പിടമൊരുക്കി സ്വീകരിക്കും. വര്ഷങ്ങളായി തുടര്ന്നുവരുന്ന ആചാരമെന്നനിലയിലാണ് കഴിഞ്ഞദിവസം ക്ഷേത്ര സ്ഥാനികര് ഉറൂസ് നഗരിയിലെത്തിയത്.
മതസഹോദര്യത്തിന്റെ സന്ദേശവുമായെത്തിയ ക്ഷേത്രസ്ഥാനികരെയും ഭാരവാഹികളെയും ഉറൂസ് കമ്മിറ്റി ചെയര്മാന് അത്താവുള്ള തങ്ങള്, മോണു ഹാജി, പള്ളിക്കുഞ്ഞി ഹാജി, ടി.എ.ഹനീഷ് തുടങ്ങിയവര് സ്വീകരിച്ചു.
ക്ഷേത്ര സ്ഥാനികരും ഭാരവാഹികളുമായ മഞ്ജു ഭണ്ഡാരി, കൃഷ്ണ ഭട്ട്, രാജ വെളിച്ചപ്പാട്, മുണ്ട്യത്തായ വെളിച്ചപ്പാട്, കൃഷ്ണശിവപ്രഭ എന്നിവരുടെ നേതൃത്വത്തിലാണ് ഉറൂസിനെത്തിയത്. ഏഴിന് ആരംഭിച്ച ഉറൂസ് 24-ന് അവസാനിക്കും.
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment