ശനിയാഴ്ച പുലര്ച്ചെയായിരുന്നു സംഭവം. കൊലപാതകം നടത്തിയ ശേഷം ആത്മഹത്യ ചെയ്യാന് പോള് ശ്രമം നടത്തിയിരുന്നു. തുടര്ന്ന് പോലീസ് ഇയാളെ രക്ഷപ്പെടുത്തുകയായിരുന്നു. പോളിനെ അങ്കമാലി പൊലീസ് അറസ്റ്റ് ചെയ്തിട്ടുണ്ട്.
എ.സി ഉപയോഗത്തെ തുടര്ന്ന് കഴിഞ്ഞ മാസം 2,500 രൂപ വൈദ്യുതി ബില് വന്നിരുന്നു. ഇതേതുടര്ന്ന് എ.സി ഉപയോഗിക്കരുതെന്ന് കുടുംബാംഗങ്ങള്ക്ക് പോള് കര്ശന നിര്ദേശം നല്കി. എന്നാല്, പുലര്ച്ചെ ഒരു മണിക്ക് പോള് പരിശോധന നടത്തിയപ്പോള് ഭാര്യയും മകനും എ.സി ഉപയോഗിക്കുന്നതായി കണ്ടെത്തി. ഇതേതുടര്ന്ന് ക്ഷുഭിതനായ പോള് ഇരുവരെയും അടിച്ചുവീഴ്ത്തി മാരകായുധം കൊണ്ട് കൊലപ്പെടുത്തുകയായിരുന്നു.
ചേര്ത്തലയിലുള്ള മകളെ കൊലപാതക വിവരം അറിയിച്ച ശേഷമാണ് പോള് ആത്മഹത്യക്ക് ശ്രമിച്ചത്. തുടര്ന്ന് മകള് വിവരം അറിയിച്ച പ്രകാരം ബന്ധുക്കള് എത്തിയാണ് പോളിനെ പോലീസില് ഏല്പിച്ചത്. റിട്ടയേര്ഡ് റെയില്വേ ഉദ്യോഗസ്ഥനാണ് പോള്. വിവാഹ മോചിതനായ തോമസ് മാതാപിതാക്കള്ക്കൊപ്പമാണ് കഴിഞ്ഞിരുന്നത്. മേരിയുടെയും തോമസിന്റെയും മൃതദേഹം അങ്കമാലി എല്.എസ് ആശുപത്രിയില് സൂക്ഷിച്ചിരിക്കുകയാണ്.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment