പ്ലാസ്റ്റിക് ബോട്ടിലുകളുടെ ചുവട്ടില്‍ രേഖപ്പെടുത്തുന്ന അക്കങ്ങള്‍ എന്താണ് സൂചിപ്പിക്കുന്നത്; ത്രികോണ ചിഹ്നത്തിലെ അക്കങ്ങളെ അറിഞ്ഞിരിക്കണം

പ്ലാസ്റ്റിക് കുപ്പികളുടെ ചുവട്ടിലുള്ള അക്കങ്ങള്‍ അധികമാരും ശ്രദ്ധിക്കാറില്ല. എന്നാല്‍ പ്ലാസ്റ്റിക് സുരക്ഷിതമാണോയെന്ന് ഉറപ്പിക്കാനാണ് ഈ അക്കങ്ങളെന്ന് ഓര്‍ക്കണം. ത്രീകോണ ചിഹ്നത്തിനുള്ളിലായാണ് പ്ലാസ്റ്റിക് കുപ്പികളുടെ ചുവട്ടില്‍ നമ്പറുകള്‍ ഉണ്ടാവുക.ഓരോ നമ്പറും എന്താണ് സൂചിപ്പിക്കുന്നതെന്ന് അറിഞ്ഞിരിക്കുക

1. പ്ലാസ്റ്റിക് ബോട്ടിലിന് ചുവട്ടില്‍ ത്രികോണ ചിഹ്നത്തിനുള്ളില്‍ '1' ആണെങ്കില്‍
പോളിത്തൈലിന്‍ തെറാപ്‌തെലേറ്റ് (pet) ഉപയോഗിച്ചാണ് പ്ലാസ്റ്റിക് നിര്‍മ്മിച്ചതെന്നാണ് ഇതിനര്‍ത്ഥം. കുപ്പി വെള്ള ബോട്ടിലുകള്‍ക്കും സോഫ്റ്റ് ഡ്രിങ്കുകള്‍ക്കും ഉപയോഗിക്കുന്ന പ്ലാസ്റ്റിക് ബോട്ടിലുകളില്‍ ഈ '1' ആണ് കാണുക. ഈ പ്ലാസ്റ്റിക്കുകള്‍ ദുഷിക്കുമെന്നതിനാല്‍ എക്‌സ്‌പൈറി ഡേറ്റിന് ശേഷം ഉപയോഗിക്കുന്നത് നല്ലതല്ല. 'ക്രഷ് ദ ബോട്ടില്‍ ആഫ്റ്റര്‍ യൂസ്' സന്ദേശം ഇത് ഉദ്ദേശിച്ചുള്ളതാണ്.

2.ത്രികോണത്തിനുള്ളില്‍ '2' ആണെങ്കില്‍
ഹൈ ഡെന്‍സിറ്റി പോളിതൈലിന്‍ ആണ് നിര്‍മ്മാണത്തിന് ഉപയോഗിച്ചിരിക്കുന്നതെന്ന് സൂചിപ്പിക്കുന്നു. ഡിറ്റര്‍ജന്റ്, ഷാമ്പു ബോട്ടിലുകളാണ് സാധാരണ കാണാറ്.

3. ത്രികോണത്തിനുള്ളില്‍ '3' ആണെങ്കില്‍
ഈ പ്ലാസ്റ്റിക് ബോട്ടിലുകള്‍ ഉപയോഗിക്കരുത്. പോളിവൈനല്‍ ക്ലോറൈഡ് (pvc) ഉപയോഗിച്ചാണ് നിര്‍മ്മാണം. കാര്‍സിനോജെന്‍സ് അടങ്ങിയിട്ടുള്ളതിനാളാണ് ജാഗ്രത വേണ്ടത്. ക്യാന്‍സറിന് കാരണമാകും ഉപയോഗം. പീനട്ട്, ബട്ടര്‍ ജാറുകളാണ് സാധാരണ ഉപയോഗിക്കാറ്.

4.നമ്പര്‍ 4
ഇവ വീണ്ടും ഉപയോഗിക്കാവുന്നതാണെന്ന സൂചനയാണ് നല്‍കുന്നത്.

5.നമ്പര്‍ 5 സുരക്ഷയുടെ അക്കം
ത്രികോണ ചിഹ്നത്തിനുള്ളില്‍ '5' ആണെങ്കില്‍ ഏറ്റവും സുരക്ഷിതമായ പ്ലാസ്റ്റിക് ആണ് അതെന്നാണ് സൂചന. ഐസ്‌ക്രീം കപ്പുകളും സ്‌ട്രോയും സിറപ്പ് ബോട്ടിലുകളിലും ഇത് കാണാം

6.നമ്പര്‍ 6, 7-റെഡ് അലേര്‍ട്ട്
പോളിസ്‌റ്റൈറെന്‍, പോളികാര്‍ബണേറ്റ് ബിസ്ഫിനോള്‍ എ എന്നിവ ഹോര്‍മോണ്‍ വ്യതിയാനങ്ങള്‍ക്കും വൈകല്യത്തിനും കാരണമാകുമെന്നതിനാല്‍ ഇവ ഉപേക്ഷിക്കുക. കാന്‍സറിനും ഹൃദയ രോഗങ്ങള്‍ക്കും ഇവ കാരണമാകും.

പ്ലാസ്റ്റിക് സ്പൂണ്‍, ഫോര്‍ക്, വാട്ടര്‍ ബോട്ടിലുകള്‍ എന്നിവ നിര്‍മ്മിക്കാനാണ് ഇവ ഉപയോഗിക്കുന്നത്.

7.വൈന്‍ ഗ്ലാസും ഫോര്‍ക്കും
മറ്റൊരു പ്രതീകം പ്ലാസ്റ്റിക് കുപ്പികളില്‍ കാണുന്നത് വൈന്‍ ഗ്ലാസും ഫോര്‍ക്കുമാണ്. ഇത് ഒരു അന്താരാഷ്ട്ര പ്രതീകമാണ്. 'പാര്‍ട്ടി സേഫ്' എന്നാണ് അര്‍ത്ഥം. സുരക്ഷിതമെന്ന് ചൂണ്ടി കാണിക്കുന്നു.

ഇതു പോലുള്ള ചെറിയ വലിയ സുരക്ഷിത വിവരങ്ങള്‍ അറിയുകയും മറ്റുള്ളവരെ അറിയിക്കുകയും വേണം.

കടപ്പാട്: southlive.in

Keywords: Kerala News, Kerala Vartha, Malabarflash, Malabar news, Malayalam News