ഹോങ്ങ്ഹോങ്ങ് എന്ന പേരില് വിളിക്കുന്ന കുഞ്ഞിന് തള്ളവിരലുകളില്ലാതെ ഇരു കാലുകളിലും എട്ടു വിരലുകള് വീതവും കൈകളില് ഏഴും എട്ടും വീതമാണ് വിരലുകളുള്ളത്. മൂന്നു മാസം പ്രായമുള്ള കുട്ടിയുടെ അമ്മയ്ക്കും കൈകളില് അധിക വിരലുകള് ഉണ്ടെങ്കിലും ഇത്രയും അധികമില്ല.
പോളിടാക്റ്റിലി എന്നാണ് ഈ അവസ്ഥയെ മെഡിക്കല് ടേമില് വിശേഷിപ്പിക്കുന്നത്. ആയിരത്തില് ഒരാള്ക്കു മാത്രം കണ്ടു വരുന്ന ഈ അവസ്ഥയെ ഭയന്ന് നിരവധി തവണ ദമ്പതികള് ഗര്ഭസ്ഥാവസ്ഥയിലുള്ളപ്പോള് പരിശോധന നടത്തിയിരുന്നുവെങ്കിലും യാതൊന്നും വ്യക്തമായില്ല.
കുഞ്ഞിന്റെ അസ്ഥികള് ഉറയ്ക്കുന്നതിനു മുന്പേ വളരെ ചെലവേറിയ ശാസ്ത്രക്രിയയിലൂടെ ഇത് മാറ്റാനാവുമെന്നാണ് കുട്ടിയെ ചികിത്സിക്കുന്ന ഡോക്ടര്മാര് പറയുന്നത്. എന്നാല് ഈ വലിയ തുക താങ്ങാനാവാതെ പണം സ്വരൂപിക്കാനുള്ള ശ്രമത്തിലാണ് ദമ്പതികള്.
Keywords: World News, Kerala Vartha, Malabarflash, Malabar news, Malayalam News
No comments:
Post a Comment