കണ്ണൂര്: [www.malabarflash.com] തലശ്ശേരിയില് ജാമ്യമില്ലാ വകുപ്പ് ചുമത്തി അറസ്റ്റ് ചെയ്ത ദലിത് യുവതി ആത്മഹത്യക്ക് ശ്രമിച്ച കേസില് എഎന് ഷംസീര് എംഎല്എയ്ക്കെതിരെയും പഞ്ചായത്ത് പ്രസിഡന്റ് പിപി ദിവ്യയ്ക്കുമെതിരെ ആത്മഹത്യ പ്രേരണ കുറ്റത്തിന് കേസെടുത്തു. 309 ആം വകുപ്പ് പ്രകാരമാണ് കേസെടുത്തത്. ആത്മഹത്യാ ശ്രമത്തിന് അഞ്ജുനയ്ക്കെതിരെയും പൊലീസ് കേസെടുത്തിട്ടുണ്ട്.
ആശുപത്രിയില് ചെന്ന് രണ്ട് മണിക്കൂറിലേറെ നടത്തിയ ചോദ്യംചെയ്യലില് അഞ്ജുന ദിവ്യയ്ക്കും ഷംസീറിനെതിരെയും മൊഴി നല്കിയിരുന്നു.
തലശ്ശേരിയില് അറസ്റ്റ് ചെയ്ത ദലിത് പെണ്കുട്ടികളിലൊരാള് ആത്മഹത്യ ചെയ്യാന് ശ്രമിച്ച സംഭവത്തില് എഎന് ഷംസീര് എംഎല്എയ്ക്കും ജില്ലാ പഞ്ചായത്ത് പ്രസിഡന്റ് പിപി ദിവ്യക്കുമെതിരെ പരാതിയെടുക്കണമെന്ന് ആവശ്യപ്പെട്ട് കുട്ടിമാക്കുലിലെ ദലിത് കുടുംബം പൊലീസിനെ സമീപിച്ചിരുന്നു. ഇതു സംബന്ധിച്ച് പരാതി നല്കുമെന്ന് അഖിലയുടെയും അഞ്ജുനയുടെയും അച്ഛനും കോണ്ഗ്രസ് നേതാവുമായ എന് രാജന് വ്യക്തമാക്കി.
പെണ്കുട്ടികളുടെ അറസ്റ്റിന് ശേഷം ടെലിവിഷന് ചര്ച്ചകളിലൂടെ എഎന് ഷംസീര് എംഎല്എയും പി പി ദിവ്യയും ഉള്പ്പെട്ട സിപിഐഎം നേതാക്കള് നടത്തിയ പരാമര്ശങ്ങളും സോഷ്യല്മീഡിയയിലുടെ നടത്തിയ അപവാദ പ്രചാരണവും ചൂണ്ടിക്കാട്ടിയാണ് പരാതി നല്കിയത്. ്അറസ്റ്റിനേക്കാള് തങ്ങളെ വേദനിപ്പിച്ചതും നേതാക്കളുടെയും അനുഭാവികളുടെയും വ്യാജ പ്രചാരണങ്ങളാണെന്നും ഇവര് ആരോപിച്ചിരുന്നു. ആത്മഹത്യാ പ്രേരണാ കുറ്റത്തിന് ഷംസീര് അടക്കമുള്ള സിപിഐഎം നേതാക്കള്ക്കെതിരെ കേസെടുക്കണമെന്ന് വിവിധ പാര്ട്ടികള് ആവശ്യമുന്നയിച്ചിരുന്നു.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment