പെര്‍ളയില്‍ സംഘട്ടനം; മൂന്നുപേര്‍ക്ക്‌ പരിക്ക്‌

പെര്‍ള: [www.malabarflash.com] യുവാവിനെ തടഞ്ഞുനിര്‍ത്തി അടിക്കാന്‍ നടത്തിയ ശ്രമം പിന്നീട്‌ കൂട്ടത്തല്ലില്‍ കലാശിച്ചു. മൂന്നുപേര്‍ക്കു പരിക്കേറ്റു. രണ്ടു പരാതികളിലായി പത്തുപേര്‍ക്കെതിരെ കേസെടുത്തു. പരിക്കേറ്റ പെര്‍ള, വാണിനഗര്‍ സ്വദേശി ഗൗരിശങ്കര്‍ ആള്‍വ(46) മകന്‍ നിതിന്‍(26) എന്നിവരെ കാസര്‍കോട്ടെ സ്വകാര്യാശുപത്രിയിലും പെര്‍ള, കണ്ണാടിക്കാനയിലെ ഫസീറി(24)നെ ചെങ്കളയിലെ സഹകരണ ആശുപത്രിയിലും പ്രവേശിപ്പിച്ചു. പെര്‍ളയില്‍ ഫാഷന്‍ ഡിസൈനിംഗ്‌ സ്ഥാപനം നടത്തിവരുന്ന ആളാണ്‌ നിതിന്‍. സ്ഥാപനത്തില്‍ വരുന്നവരുമായി ബന്ധപ്പെട്ട്‌ ഉണ്ടായ പ്രശ്‌നത്തിന്റെ പേരില്‍ പെര്‍ള, ഗിരിയടുക്കയില്‍ വച്ച്‌ നിതിനെ ഒരു സംഘം തടഞ്ഞുനിര്‍ത്തി അക്രമിച്ചിരുന്നുവെന്നു പറയുന്നു. ഈ വിവരമറിഞ്ഞ്‌ നിതിന്റെ പിതാവ്‌ ഗൗരിശങ്കര ആള്‍വയും സ്ഥലത്തെത്തിയതോടെയാണ്‌ കൂട്ടത്തല്ല്‌ നടന്നത്‌. നിതിനെയും പിതാവിനെയും ആക്രമിച്ചതിനു എബി, സിറാജ്‌, തുടങ്ങി ആറുപേര്‍ക്കെതിരെയും ഫസീറിനെ അക്രമിച്ചതിനു ഗൗരിശങ്കര ആള്‍വ, അജയ, ഉദയ, രാജ എന്നിവര്‍ക്കെതിരെയും കേസെടുത്തതായും ബദിയഡുക്ക പൊലീസ്‌ അറിയിച്ചു.Keywords: Clash, Injured, Attack, Kasaragod, Perla, Kerala News, Kerala Vartha, Malabarflash, Malabar news, Malayalam News