ബദിയഡുക്ക:[www.malabarflash.com] ജോലി കഴിഞ്ഞ് വീട്ടിലേയ്ക്കു നടന്നുപോകുന്നതിനിടയില് യുവതികളെ മാനഹാനിവരുത്തുന്നത് പതിവാക്കിയവിരുതനെ യുവതികളുടെ നേതൃത്വത്തില് പിടികൂടി കൈകാര്യം ചെയ്ത ശേഷം പൊലീസില് ഏല്പ്പിച്ചു. കല്ലക്കട്ടയിലെ ഹര്ഷാദി(19)നെയാണ് പൊലീസില് ഏല്പ്പിച്ചത്. ഇയാള്ക്കെതിരെ മാനഭംഗശ്രമത്തിനു കേസെടുത്തതായി ബദിയഡുക്ക പൊലീസ് അറിയിച്ചു. ഇന്നലെ വൈകുന്നേരം മാന്യ, ദേവരക്കട്ടയിലാണ് സംഭവം. ജോലി കഴിഞ്ഞ് വീട്ടിലേയ്ക്കു നടന്നു പോവുകയായിരുന്ന രണ്ടു യുവതികളില് ഒരാളാണ് മാനഭംഗശ്രമത്തിനു ഇരയായത്.വഴിയില് തടഞ്ഞു നിര്ത്തി കടന്നു പിടിച്ചപ്പോള് കയ്യോടെ പിടികൂടി ചെരുപ്പൂരി അടിക്കുകയും ബഹളം വച്ച് ആള്ക്കാരെ കൂട്ടുകയുമായിരുന്നു.തുടര്ന്നാണ് പൊലീസില് വിവരം അറിയിച്ച് കൈമാറിയത്.
ഇന്നലെ മാനഹാനി ശ്രമത്തിനു ഇരയായ യുവതിയുടെ കൂടെ ഉണ്ടായിരുന്ന മറ്റൊരു യുവതിയെ കഴിഞ്ഞ ആഴ്ച ഹര്ഷാദ് ശല്യം ചെയ്യാന് ശ്രമിച്ചിരുന്നു. അന്നും പിടികൂടാന് ശ്രമിച്ചിരുന്നുവെങ്കിലും ഫലം ഉണ്ടായില്ല.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment