ഓടിക്കൊണ്ടിരിക്കുന്ന സ്‌കൂട്ടറിൽ മരം വീണ് യുവാവ് മരിച്ചു

ആലുവ:[www.malabarflash.com] ഓടിക്കൊണ്ടിരിക്കുന്ന സ്കൂട്ടറിന് മുകളിൽ മരം വീണ് സ്‌കൂട്ടർ ഓടിച്ചിരുന്ന യുവാവ് മരിച്ചു. ആലുവ അസീസി ദേശത്ത് വീട്ടിൽ സുരേഷാണ് (30) മരിച്ചത്.

വ്യാഴാഴ്ച വൈകുന്നേരം നാലുമണിക്ക് ശേഷം ആലുവ എസ്.പി.ഓഫിസിന് സമീപം പൊലീസ് സൊസൈറ്റിക്ക് മുൻവശത്തായിരുന്നു അപകടം. ഉടൻ രാജഗിരി ആശുപത്രിയിൽ എത്തിച്ചെങ്കിലും വഴിമധ്യേ മരിച്ചിരുന്നു. 

ആലുവ ആശുപത്രി കവലയിലെ സ്‌കൂട്ടർ വർക് ഷോപ്പ് ജീവനക്കാരനായ സുരേഷ് വർക്​ ഷോപിലേക്ക് ആവശ്യമായ സാമഗ്രികൾ വാങ്ങാൻ പോകുമ്പോഴായിരുന്നു അപകടം .

Keywords: Kerala News, Kerala Vartha, Malabarflash, Malabar news, Malayalam News