ചൊവ്വാഴ്ച രാവിലെ വയനാട് ഭാഗത്തേക്ക് രക്ഷപ്പെടാന് ശ്രമിക്കുന്നതിനിടെ കുറ്റിയാടി തൊട്ടില്പ്പാലം റോഡിലെ മാവിന്ചോട്ടില്നിന്നാണ് പ്രതിയെ പോലീസ് കസ്റ്റഡിയിലെടുത്തത്. കൊലപാതകവിവരം മുന്കൂട്ടി അറിഞ്ഞാണ് നിധിന് ഇന്നോവ കാര് വാടകയ്ക്ക് എടുത്ത് അക്രമിസംഘത്തിന് നല്കിയത്. ആഗസ്ത് 9-ന് വാണിമേല് സ്വദേശിയില്നിന്നാണ് നിധിന് കാര് മേല്വാടകയ്ക്ക് എടുത്തത്. 12- നാണ് അസ്ലമിനെ വെട്ടിക്കൊലപ്പെടുത്തിയത്.
കൃത്യം നടന്നതിനുശേഷം നിധിന്റെ മൊബൈല്ഫോണും സിമ്മും നശിപ്പിച്ചതായി കണ്ടെത്തിയിട്ടുണ്ട്. ഒളി സങ്കേതത്തില്നിന്ന് പ്രതി ഉപയോഗിച്ച വസ്ത്രങ്ങളടക്കം തെളിവുകള് ലഭിച്ചതായി പോലീസ് അറിയിച്ചു. സംഘത്തില് എത്ര പേരുണ്ടെന്ന വിവരം അറിയില്ലെന്നാണ് നിധിന് പോലീസിന് നല്കിയ മൊഴി. എന്നാല് പോലീസ് ഇക്കാര്യം പൂര്ണമായും വിശ്വസിക്കുന്നില്ല. പ്രതികള്ക്കുവേണ്ടി വ്യാപകാന്വേഷണം നടത്തുന്നതായി പോലീസ് കേന്ദ്രങ്ങള് അറിയിച്ചു.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment