ബേക്കൽ: ഒരു കൈയുമായി ഡ്രാഫ്റ്റ്സ്മാൻ ജോലി ചെയ്യുന്നയാളെ സമീപവാസി വധിക്കാൻ ശ്രമിച്ച സംഭവത്തിൽ സംസ്ഥാന മനുഷ്യാവകാശ കമ്മീഷൻ കേസെടുത്ത് ബേക്കൽ സ്റ്റേഷൻ ഹൗസ് ഓഫീസറെ അന്വേഷണത്തിനു ചുമതലപ്പെടുത്തി.[www.malabarflash.com]
കളനാട് റാബിയത്ത് മൻസിലിൽ പി.എ.മുഹമ്മദ് സിറാജിന്റെ പരാതിയിലാണ് നടപടി. കളനാട് ഹൈദ്രോസ് ജുമാമസ്ജിദിന് സമീപം താമസിക്കുന്ന അബ്ദുൾ ബഷീർ വധിക്കാൻ ശ്രമിച്ചു എന്ന പരാതിയിലാണ് കമ്മീഷൻ നടപടിയെടുത്തിരിക്കുന്നത്.
വീട് വയ്ക്കുന്നതിന് സിറാജ് ബഷീറിൽ നിന്നും 15 സെന്റ് വിലയ്ക്ക് വാങ്ങിയിരുന്നു. പറഞ്ഞുറപ്പിച്ച വിലയിൽ പിന്നീട് മാറ്റം വരുത്തിയ ബഷീർ തന്നെ ചതിക്കുന്ന ചില വ്യവസ്ഥകൾ ആധാരത്തിൽ എഴുതി ചേർത്തതായി സിറാജ് പരാതിയിൽ പറഞ്ഞു. സ്വന്തം പറന്പിലേക്ക് വൈദ്യുതി എടുക്കാൻ തടസപ്പെടുത്തി. തന്റെ ബോർവെല്ലിലെ ജലം അതിക്രമിച്ചെടുത്ത് ദുരുപയോഗം ചെയ്യുന്നു. ഏപ്രിൽ 26നു രാവിലെ തന്നെ വധിക്കാൻ ശ്രമിച്ചു. കഴുത്തിനും കൈക്കും ഗുരുതര പരിക്കേറ്റ് വീണ സിറാജ് മംഗളുരുവിൽ ചികിത്സയിലായിരുന്നു. അംഗപരിമിതനായ സിറാജ് തന്നെ മർദ്ദിച്ചു എന്നാരോപിച്ച് ബഷീർ വ്യാജപരാതി നൽകി.
അധികാരികളെ സ്വാധീനിച്ച് അനർഹമായ ആനുകൂല്യങ്ങൾ ബഷീർ നേടുന്നതായും പരാതിയിൽ പറയുന്നു. വധശ്രമത്തിനു താൻ നൽകിയ കേസിൽ ബഷീറിനെ രക്ഷിക്കുന്നതിനായി പോലീസ് ദുർബലമായ വകുപ്പുകൾ ചേർത്ത് കേസെടുത്തതായും പരാതിയിൽ പറയുന്നു.
വീട് വയ്ക്കുന്നതിന് സിറാജ് ബഷീറിൽ നിന്നും 15 സെന്റ് വിലയ്ക്ക് വാങ്ങിയിരുന്നു. പറഞ്ഞുറപ്പിച്ച വിലയിൽ പിന്നീട് മാറ്റം വരുത്തിയ ബഷീർ തന്നെ ചതിക്കുന്ന ചില വ്യവസ്ഥകൾ ആധാരത്തിൽ എഴുതി ചേർത്തതായി സിറാജ് പരാതിയിൽ പറഞ്ഞു. സ്വന്തം പറന്പിലേക്ക് വൈദ്യുതി എടുക്കാൻ തടസപ്പെടുത്തി. തന്റെ ബോർവെല്ലിലെ ജലം അതിക്രമിച്ചെടുത്ത് ദുരുപയോഗം ചെയ്യുന്നു. ഏപ്രിൽ 26നു രാവിലെ തന്നെ വധിക്കാൻ ശ്രമിച്ചു. കഴുത്തിനും കൈക്കും ഗുരുതര പരിക്കേറ്റ് വീണ സിറാജ് മംഗളുരുവിൽ ചികിത്സയിലായിരുന്നു. അംഗപരിമിതനായ സിറാജ് തന്നെ മർദ്ദിച്ചു എന്നാരോപിച്ച് ബഷീർ വ്യാജപരാതി നൽകി.
അധികാരികളെ സ്വാധീനിച്ച് അനർഹമായ ആനുകൂല്യങ്ങൾ ബഷീർ നേടുന്നതായും പരാതിയിൽ പറയുന്നു. വധശ്രമത്തിനു താൻ നൽകിയ കേസിൽ ബഷീറിനെ രക്ഷിക്കുന്നതിനായി പോലീസ് ദുർബലമായ വകുപ്പുകൾ ചേർത്ത് കേസെടുത്തതായും പരാതിയിൽ പറയുന്നു.
ബഷീറിനെതിരെ വധശ്രമത്തിനു കേസെടുക്കണമെന്നും പരാതിക്കാരൻ ആവശ്യപ്പെട്ടു. അന്വേഷണറിപ്പോർട്ട് മൂന്നാഴ്ചക്കകം ഹാജരാക്കണമെന്ന് കമ്മീഷൻ അംഗം കെ.മോഹൻകുമാർ ആവശ്യപ്പെട്ടു. കേസ് ജൂണ് എട്ടിനു കാസറകോട് ഗവ. ഗസ്റ്റ് ഹൗസിൽ നടക്കുന്ന സിറ്റിംഗിൽ പരിഗണിക്കും.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment