വള്ളിക്കോട് കോട്ടയം തുണ്ടിൽ തെക്കേതിൽ ജിനു - വിദ്യ ദന്പതികളുടെ ഏക മകൻ ആദിദേവിന്‍റെ (ഒന്നര) മൃതദേഹമാണ് ഞായറാഴ്ച ഉച്ചകഴിഞ്ഞ് വീട്ടുപടിക്കൽ നിന്ന് ഒന്നരകിലോമീറ്റർ അകലെ മാളിയേക്കൽക്ഷേത്രത്തിനു സമീപമുള്ള കക്കാട്ട്പടിയിൽ കണ്ടെത്തിയത്.
ശനിയാഴ്ച രാവിലെ 11ഓടെ വീട്ടുമുറ്റത്തു കളിക്കുകയായിരുന്ന ആദിദേവിനെ കാണാതാകുകയായിരുന്നു. തുടർന്ന് ഫയർഫോഴ്സും പോലീസും നാട്ടുകാരും തെരച്ചിൽ നടത്തിയെങ്കിലും കണ്ടെത്താനായില്ല. വീടിനു മുന്പിലൂടെയുള്ള തോട്ടിൽ പൊടുന്നനെ വെള്ളം ഉയർന്നപ്പോൾ കുട്ടി ഒഴുകിപ്പോകാമെന്ന നിഗമനത്തിലായിരുന്നു തെരച്ചിൽ.
നാട്ടുകാരും അഗ്നിശമനസേനയും നടത്തിയ തെരച്ചിലിനൊടുവിലാണ് വളളിപടർപ്പിൽ കുടുങ്ങിയ നിലയിൽ ഞായറാഴ്ച മൃതദേഹം കണ്ടെത്തിയത്. പുലർച്ചെ മുതൽ അന്വേഷണം പുനരാരംഭിച്ചിരുന്നു. കോട്ടയത്തു നിന്നുളള നാലംഗ മുങ്ങൽ വിദഗ്ധരും സ്ഥലത്ത് എത്തിയിരുന്നു.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment