അമീറും സജ്നയും തമ്മിലുള്ള വിവാഹം ഓഗസ്റ്റ് പത്തിന് നടത്താമെന്ന് മൂന്നുമാസം മുമ്പ് നിശ്ചയിച്ചിരുന്നതാണ്. നിശ്ചയത്തിനുശേഷം അമീറും വീട്ടുകാരും നടത്തിയ മാനസിക പീഡനമാണ് യുവതിയുടെ ആത്മഹത്യയില്‍ കലാശിച്ചത്. അമീറിന്റെ മാതാവ് ആയിഷ(45)യും കേസില്‍ പ്രതിയാണ്.
വ്യാഴാഴ്ച പുലര്‍ച്ചെയാണ് സജ്നയെ വീടിനുള്ളില്‍ തൂങ്ങിയനിലയില്‍ കണ്ടെത്തിയത്. മരണത്തില്‍ ദുരൂഹത തോന്നിയ പോലീസ്, സ്വമേധയാ കേസെടുത്ത് അന്വേഷിക്കുകയായിരുന്നു.
വിവാഹ നിശ്ചയത്തിനുശേഷം അമീര്‍ അഞ്ച് പവന്‍ സ്വര്‍ണം സജ്നയുടെ പക്കല്‍നിന്നും വാങ്ങി. കൂടാതെ പണയം വെക്കുന്നതിന് വീടിന്റെ ആധാരവും ആവശ്യപ്പെട്ടു. ഇതിനിടെ പി.എസ്.സി. വഴി സര്‍ക്കാര്‍ ജോലിക്ക് നിയമനം ലഭിച്ച സജ്നയെ, ജോലിക്ക് പോകുന്നതില്‍നിന്ന് വിലക്കി.
കല്യാണം അടുത്തതോടെ സജ്നയുടെ ബന്ധുക്കള്‍ സ്വര്‍ണം ആവശ്യപ്പെട്ടപ്പോള്‍ അമീര്‍ തിരികെ നല്‍കാന്‍ തയാറായില്ല. ഇതില്‍ മാനസികമായിത്തകര്‍ന്ന പെണ്‍കുട്ടി ആത്മഹത്യ ചെയ്യുകയായിരുന്നു. ബത്തേരി പോലീസ് സ്റ്റേഷന്‍ ഹൗസ് ഓഫീസര്‍ ബിജു ആന്റണിയുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment