ഹീര ഗ്രൂപ്​​ തട്ടിപ്പ്​: നൗഹീര ​ശൈ​ഖും രണ്ടു മലയാളികളും അറസ്​റ്റിൽ

ഹൈദരാബാദ്: കോ​ടി​ക്ക​ണ​ക്കി​നു​ രൂ​പ​യുടെ നി​ക്ഷേ​പ ത​ട്ടി​പ്പ്​ ന​ട​ത്തി​യ കേ​സി​ൽ ഹൈ​ദ​രാ​ബാ​ദി​ലെ ഹീ​ര ഗ്രൂ​പ്​​ സി.​ഇ.​ഒ നൗ​ഹീ​ര ശൈ​ഖി​നെ​യും ര​ണ്ടു​ മ​ല​യാ​ളി​ക​ളെ​യും എ​ൻ​ഫോ​ഴ്​​സ്​​മന്റ്‌​ ഡ​യ​റ​ക്​​ട​റേ​റ്റ്​ അ​റ​സ്​​റ്റ്​ ചെയ്​​തു.[www.malabarflash.com]

നൗ​ഹീ​ര​യു​ടെ പ്രൈ​വ​റ്റ്​ സെ​ക്ര​ട്ട​റി മോ​ളി തോ​മ​സ്, ഇ​വ​രു​ടെ ഭ​ർ​ത്താ​വ്​ ബിജു തോ​മ​സ്​ എ​ന്നി​വ​രാ​ണ്​ അ​റ​സ്​​റ്റി​ലാ​യ മ​ല​യാ​ളി​ക​ൾ. ഇ​വ​ർ എ​റ​ണാ​കു​ളം സ്വ​ദേ​ശി​ക​ളാ​ണ്.

പ്രി​വ​ൻ​ഷ​ൻ ഓ​ഫ് മ​ണി ലോ​ണ്ട​റി​ങ് ആ​ക്ട് (പി.​എം.​എ​ൽ.​എ-2002) പ്ര​കാ​ര​മു​ള്ള വ​കു​പ്പു​ക​ളാ​ണ് ഇ​വ​ർ​ക്കെ​തി​രെ ചു​മ​ത്തി​യ​ത്. ഹൈ​ദ​രാ​ബാ​ദ് മെ​ട്രോ​പൊ​ളി​റ്റ​ൻ സെ​ഷ​ൻ​സ് ജ​ഡ്ജി​ മു​മ്പാ​കെ ഹാ​ജ​രാ​ക്കി​യ മൂ​വ​രെ​യും കൂ​ടു​ത​ൽ ചോ​ദ്യം​ചെ​യ്യു​ന്ന​തി​ന്​ ഒ​രാ​ഴ്​​ച​ത്തേ​ക്ക്​ എ​ൻ​ഫോ​ഴ്സ്മന്റ്‌​ ഡ​യ​റ​ക്ട​റേ​റ്റി​ന്​ ക​സ്​​റ്റ​ഡി​യി​ൽ വി​ട്ടു​ന​ൽ​കി.

ഹൈ​ദ​രാ​ബാ​ദ്​ സെ​ൻ​ട്ര​ൽ ക്രൈം ​സ്​​റ്റേ​ഷ​നി​ൽ ര​ജി​സ്​​റ്റ​ർ ചെയ്​​ത കേ​സി​ൽ റി​മാ​ൻ​ഡി​ലാ​യി ച​ഞ്ച​ൽ​ഗു​ഡ വ​നി​ത ജ​യി​ലി​ൽ ത​ട​വി​ൽ ക​ഴി​ഞ്ഞ നൗ​ഹീ​ര ശൈ​ഖ്​​ അ​ടു​ത്തി​ടെ​യാ​ണ്​ ജാ​മ്യ​ത്തി​ലി​റ​ങ്ങി​യ​ത്. ഇ​തി​നു പി​ന്നാ​ലെ​യാ​ണ്​ തെ​ല​ങ്കാ​ന പോലീ​സ് ര​ജി​സ്​​റ്റ​ർ ചെ​യ്ത ത​ട്ടി​പ്പ് കേ​സി​ൽ തു​ട​ര​ന്വേ​ഷ​ണം ന​ട​ത്ത​വെ എന്‍ഫോഴ്‌സ്മന്റെിന്റെ അ​റ​സ്​​റ്റ്. ഗ്രൂ​പ്പി​ന്റെ പ്ര​വ​ർ​ത്ത​നം കേ​ര​ള​ത്തി​ലേ​ക്ക​ട​ക്കം വ്യാ​പി​ക്കു​ന്ന​തി​ന്​ ഇ​ട​നി​ല​ക്കാ​രാ​യ​ത്​ മോ​ളി തോ​മ​സും ബി​ജു തോ​മ​സു​മാ​ണെ​ന്ന്​  അന്വേഷ​ണ​ത്തി​ൽ വ്യ​ക്​​ത​മാ​യി​രു​ന്നു.

തെ​ല​ങ്കാ​ന, ആ​ന്ധ്ര​പ്ര​ദേ​ശ്, കേ​ര​ളം തു​ട​ങ്ങി​യ സം​സ്ഥാ​ന​ങ്ങ​ളി​ൽ​നി​ന്നും ഗ​ൾ​ഫ്നാ​ടു​ക​ളി​ൽ​നി​ന്നു​മാ​യി ല​ക്ഷ​ത്തി​ലേ​റെ പേ​രാ​ണ്​ ഹീ​ര ഗ്രൂ​പ്​​ ആ​വി​ഷ്​​ക​രി​ച്ച വി​വി​ധ സ്​​കീ​മു​ക​ളി​ൽ പ​ണം നി​ക്ഷേ​പി​ച്ച്​ ത​ട്ടി​പ്പി​നി​ര​യാ​യ​ത്​ എ​ന്നാ​ണ്​ വി​വ​രം. രാ​ജ്യ​ത്തെ 24 കേ​ന്ദ്ര​ങ്ങ​ളി​ൽ ഓ​ഫി​സു​ക​ൾ തു​റ​ന്ന്​ ത​ട്ടി​പ്പ് ന​ട​ത്തി​യ ഹീ​ര ഗ്രൂ​പ്പി​ന്​ ഇ​ന്ത്യ​യി​ലും വി​ദേ​ശ​ത്തു​മാ​യി 192 ബാ​ങ്ക് അ​ക്കൗ​ണ്ടു​ക​ളാ​ണ്​ ഉ​ണ്ടാ​യി​രു​ന്ന​ത്. ഇ​തെ​ല്ലാം അ​ന്വേ​ഷ​ണ ഏ​ജ​ൻ​സി​ക​ൾ മ​ര​വി​പ്പി​ച്ചി​രു​ന്നു.