പ്രമേഹം, സ്പോണ്ടിലോസിസ്, ഹൈപ്പര് ടെന്ഷന്, ഡയബറ്റിക് റെറ്റിനോപതി, ന്യറോപതി തുടങ്ങി വിവിധ അസുഖങ്ങള്ക്കുള്ള ചികിത്സയാണ് പ്രധാനമായും നടന്നത്. മണിപ്പാല് ആസ്പത്രിയിലെ കാര്ഡിയോളജിസ്റ്റ്, ന്യൂറോളജിസ്റ്റ്, നെഫ്രോളജിസ്റ്റ്, യൂറോളജിസ്റ്റ്, എന്നിവരുടെ സഹകരണവും ചികിത്സയ്ക്കുണ്ടായിരുന്നു. ഇ.സി.ജി. അടക്കമുള്ള വിവിധ ടെസ്റ്റുകളും നടത്തി. മഅദനിയെ നാട്ടില് ചികിത്സിച്ചിരുന്ന കൊച്ചി മെഡിക്കല് ട്രസ്റ്റ് ഹോസ്പിറ്റലിലെ ഡോ. മുഹമ്മദ് ഇഖ്ബാല്, കൊച്ചി ഡയബറ്റിക് സെന്ററിലെ ഡോ. ടോം ബാബു എന്നിവരുടെ ഉപദേശവും സൗഖ്യ ഹെല്ത്ത് സെന്റര് തേടിയിരുന്നു. ശരീരത്തിലെ തരിപ്പിനും ഡിസ്ക് പ്രശനത്തിനുമായി ആയുര്വേദ അക്യുപങ്ചര് ചികിത്സയും കരള്രോഗത്തിന് പ്രകൃതി ചികിത്സയുമാണ് നല്കിയത്.
ആദ്യഘട്ട ചികിത്സ പൂര്ത്തിയായതിനെത്തുടര്ന്നാണ് മഅദനി ആസ്പത്രി വിടുന്നത്. കണ്ണിലെ ശസ്ത്രക്രിയയ്ക്ക് ശേഷം രണ്ടുമാസത്തെ വിശ്രമം വേണ്ടിവരും. തുടര് ചികിത്സയ്ക്ക് കൊണ്ടുവരാന് നിയമപരമായി തടസ്സമുണ്ടെങ്കില് ജയിലില് വന്ന് തുടര്പരിശോധന നടത്താന് തയ്യാറാണെന്ന് സൗഖ്യഹെല്ത്ത് സെന്റര് അധികൃതര് അറിയിച്ചിട്ടുണ്ട്. മഅദനിയുടെ ചികിത്സയെ ക്കുറിച്ചും തുടര്ചികിത്സയെക്കുറിച്ചുമുള്ള റിപ്പോര്ട്ട് സൗഖ്യ ഹെല്ത്ത് സെന്റര് ജയില് അധികൃതര്ക്ക് നല്കിയിട്ടുണ്ട്.
ബാംഗ്ലൂര് സേ്ഫാടനക്കേസില് 31-ാം പ്രതിയായി പരപ്പന അഗ്രഹാര ജയിലില് കഴിഞ്ഞിരുന്ന മഅദനിയെ നിയമ പോരാട്ടങ്ങള്ക്കൊടുവിലാണ് വിദഗ്ധ ചികിത്സയ്ക്കായി വൈറ്റ് ഫീല്ഡിലെ സൗഖ്യ ഹെല്ത്ത് സെന്ററില് പ്രവേശിപ്പിച്ചത്, ഭാര്യ സൂഫിയയും മൂത്തമകനും പരിചരണത്തിനായി മഅദനിയോടപ്പം ആസ്പത്രിയിലുണ്ടായിരുന്നു. ആലോപ്പതി, ആയുര്വേദം, ഹോമിയോപ്പതി എന്നിവ സംയോജിച്ച് കൊണ്ടുള്ള ചികിത്സയാണ് പ്രധാനമായും നല്കിയതെന്ന് ആസ്പത്രി അധികൃതര് അറിയിച്ചു.
No comments:
Post a Comment