താമരശ്ശേരി ചുങ്കത്ത് ദേശീയപാതയില് ബുധനാഴ്ച രാവിലെ 11 മണിയോടെയാണ് സംഭവം. നിര്ത്താതെ പോയ കാര് പിന്നീട് താമരശ്ശേരിക്കടുത്ത് വാടിക്കലില്നിന്ന് പോലീസ് കസ്റ്റഡിയിലെടുത്തു. കാറിലുണ്ടായിരുന്നവര് രക്ഷപ്പെട്ടു.
ചുങ്കത്തുനിന്ന് പണിമുടക്കനുകൂലികള് പ്രകടനമായി ചെക്ക് പോസ്റ്റ് ഭാഗംവരെ പോയി മടങ്ങിയെത്തിയപ്പോഴാണ് എതിര്ഭാഗത്തുനിന്ന് വന്ന കാര് തടഞ്ഞുനിര്ത്തിയത്. കാറിലുണ്ടായിരുന്നവരുമായി സംസാരിക്കുന്നതിനിടെ സമരക്കാരില്പ്പെട്ടവര് കാറിന്റെ ചില്ല് പൊട്ടിച്ചു. ഇതോടെ കാര് പെട്ടെന്ന് മുന്നോട്ടെടുക്കുകയായിരുന്നു. മുന്ഭാഗത്ത് തടയാന് ശ്രമിച്ച സജിത്തിന്റെ കാലിനു മുകളിലൂടെ കാര് കയറി. തുടര്ന്ന് അതിവേഗം കൊയിലാണ്ടി റോഡ് വഴി ഓടിച്ചുപോയി.
കാറില് മൂന്നു പേര് ഉണ്ടായിരുന്നതായി പ്രവര്ത്തകര് പറഞ്ഞു. കാര് വാടിക്കലിലെ ഒരു വീട്ടില് കയറ്റിയിട്ടശേഷം ഉള്ളിലുണ്ടായിരുന്നവര് രക്ഷപ്പെടുകയായിരുന്നു. താമരശ്ശേരി പോലീസ് കേസെടുത്തു.
No comments:
Post a Comment