കെഎല് 01-ല് തുടങ്ങുന്ന വാഹന രജിസ്ട്രേഷന് കോഡ് നമ്പരാണ് 73-ല് എത്തിയത്. തിരുവനന്തപുരം ആര്. ടി. ഓഫീസ് പരിധിയില് രജിസ്റ്റര് ചെയ്യുന്ന വാഹനങ്ങള്ക്കാണ് കെഎല് 01 കോഡ്. മുമ്പ് 14 ജില്ലകള്ക്ക് കെഎല് 01 മുതല് കെഎല് 14 വരെയായിരുന്നു രജിസ്ട്രേഷന് കോഡ്. കെ.എസ്.ആര്.ടി.സി.യുടേത് കെഎല് 15-ഉം.
വാഹനപ്പെരുപ്പത്തെത്തുടര്ന്നാണ് സബ് റീജണല് ട്രാന്സ്പോര്ട്ട് ഓഫീസുകള്ക്ക് പ്രത്യേക കോഡ് നല്കി അവിടെയും രജിസ്ട്രേഷന് തുടങ്ങിയത്. കഴിഞ്ഞ വര്ഷം അവസാനമാണ് സര്ക്കാര് പുതിയ എട്ട് സബ് റീജണല് ട്രാന്സ്പോര്ട്ട് ഓഫീസുകള്ക്കുകൂടി അനുമതി നല്കിയത്. ഇതേത്തുടര്ന്നാണ് ഈ ഓഫീസുകള്ക്കും രജിസ്ട്രേഷന് കോഡ് അനുവദിച്ചത്. ഇപ്പോള് ആര്. ടി. ഓഫീസുകളും സബ് റീജണല് ട്രാന്സ്പോര്ട്ട് ഓഫീസുകളും കെ.എസ്.ആര്.ടി.സി.യുമുള്പ്പെടെ 73 ഇടത്ത് വാഹനം രജിസ്റ്റര് ചെയ്യാം.
No comments:
Post a Comment