ക്ലബ് അംഗങ്ങളുടെ വീട്ടില്നിന്ന് തയ്യാറാക്കിക്കൊണ്ടുവന്ന 250ല്പ്പരം ഭക്ഷണപ്പൊതികളാണ് ബൈക്കിലെത്തിയ സംഘം വിതരണം ചെയ്തത്. പുതിയ ബസ്സ്റ്റാന്ഡ്, പഴയ ബസ്സ്റ്റാന്ഡ്, റെയില്വേ സ്റ്റേഷന് പരിസരം എന്നിവിടങ്ങളിലായിരുന്നു വിതരണം. ദിവസവും വൈകിട്ട് തെരുവില് കഴിയുന്നവര്ക്ക് ഭക്ഷണം നല്കുന്ന പദ്ധതിയുടെ ഭാഗമായാണ് പണിമുടക്ക് ദിനങ്ങളിലും അന്നദാനം നടത്തിയതെന്ന് കിവീസ് രക്ഷാധികാരിയും കണ്ണൂര് സര്വകലാശാല പാലയാട് കാമ്പസിലെ എം.ബി.എ. വിദ്യാര്ഥിയുമായ സനീം മുഹമ്മദ് ഹാഷിമും ക്ലബ് സെക്രട്ടറി മുഹമ്മദ് ഷുഹൈബും പറഞ്ഞു.
ഏതായാലും പണിമുടക്ക് ദിനം ആഘോഷിച്ച് വീട്ടില് ചടഞ്ഞുകൂടുന്ന യുവാക്കള്ക്കുള്ള മറുപടിയായി കിവീസ് കൂട്ടായ്മയുടെ ഈ സേവന പ്രവര്ത്തനം.
മുഹമ്മദ് റാഫി, സ്വരൂപ്, പി.വി.മുഹമ്മദ് സാഹിര്, സഞ്ജയ്, നഷ്മില് മഹേഷ്, സി.ഒ.ടി.യൂനുസ്, സമീര്, മുഹമ്മദ് അസ്ഹറുദ്ദീന്, ദില്ഷന് ഷാനി തുടങ്ങിയവര് നേതൃത്വം നല്കി.
No comments:
Post a Comment