വിമാനയാത്രക്കാരനില്‍നിന്ന് 300 ഗ്രാം സ്വര്‍ണം പിടിച്ചു

മംഗലാപുരം: വിമാനയാത്രക്കാരനില്‍നിന്ന് 300 ഗ്രാം സ്വര്‍ണം റവന്യു ഇന്റലിജന്‍സ് വിഭാഗം പിടികൂടി. ബുധനാഴ്ച ദുബായില്‍നിന്ന് എയര്‍ ഇന്ത്യ എക്‌സ്​പ്രസ് വിമാനത്തില്‍ വന്ന ഭട്കല്‍ സ്വദേശി അബ്ദുള്‍ഖാനിയില്‍നിന്നാണ് സ്വര്‍ണം പിടിച്ചത്. ഓട്‌സിന്റെ പാത്രത്തിനുള്ളില്‍ ഒളിപ്പിച്ച നിലയിലായിരുന്നു. സീല്‍ പൊട്ടിക്കാത്ത കുപ്പികള്‍ക്കുള്ളില്‍ ആഭരണങ്ങള്‍ പൂഴ്ത്തിയാണ് കടത്താന്‍ ശ്രമിച്ചത്. പ്രതിയെ റിമാന്‍ഡ് ചെയ്തു.