മംഗലാപുരം. രാജ്യത്ത് അടിയന്തര ഘട്ടങ്ങളില് ഉപയോഗിക്കാന് പെട്രോള് സംഭരിക്കുന്നതിനുള്ള ഇന്ത്യന് സ്ട്രാറ്റജിക് പെട്രോളിയം റിസര്വ് ലിമിറ്റഡിന്റെ (ഐഎസ്പിആര്എല്) നിര്മാണ സ്ഥലത്തു നിന്നു ചെമ്പു കേബിളുകള് മോഷ്ടിച്ച നാലംഗ സംഘം പിടിയിലായി. അക്ബര് അലി(20), ഷെയ്ഖ് ഷാഹുല്(20), മോഹ്യ്ദ് അമീറുദ്ദീന്(20), ദാവൂദ് ഹക്കിം(20) എന്നിവരെയാണു ഷിര്വ പൊലീസ് അറസ്റ്റ് ചെയ്തത്.
45,000 രൂപയുടെ ചെമ്പു കേബിളുകളും ഇവരില് നിന്നു പിടിച്ചെടുത്തു. ഐഎസ്പിആര്എല് വര്ക്ക്ഷോപ്പില് നിന്നാണ് കേബിളുകള് മോഷ്ടിച്ചത്. മോഷ്ടിച്ച സാധനങ്ങള് കടത്താന് ഉപയോഗിച്ച രണ്ടു കാറുകളും പിടിച്ചെടുത്തു. ഐഎസ്പിആര്എല് പ്രോജക്ട് മാനേജര് സര്വേഷ് സമഗയുടെ പരാതിയിലാണ് അറസ്റ്റ്.
No comments:
Post a Comment