10 ചതുരശ്രകിലോമീറ്റര് വിസ്തീര്ണത്തില് നിര്മിക്കാനുദ്ദേശിക്കുന്ന ടൗണ്ഷിപ്പ് 30 വര്ഷം കൊണ്ടാണ് പൂര്ത്തിയാവുകയെന്ന് ഹമദ് അന്താരാഷ്ട്ര വിമാനത്താവളം അധികൃതര് അറിയിച്ചു.
ബിസിനസ്, വ്യോമയാന കാംപസ്, ലോജിസ്റ്റിക്സ് റസിഡന്ഷ്യല് എന്നിങ്ങനെ നാല് സോണുകളായിട്ടാണ് പദ്ധതി വരുന്നത്. ഇതില് പത്ത് വര്ഷത്തിനുള്ളില് ബിസിനസ്, ഏവിയേഷന് സോണുകളുടെ നിര്മാണം പൂര്ത്തിയാകും. ഖത്തര് എയര്വെയ്സിന്റെയും സിവില് ഏവിയേഷന് അതോറിറ്റിയുടെയും ഓഫീസുകള് ഏവിയേഷന് സോണിലാണുണ്ടാവുക. മെട്രോ ട്രെയിനിനും ദീര്ഘദൂര തീവണ്ടിക്കുമുള്ള രണ്ട് ടെര്മിനലുകള് അടങ്ങിയതായിരിക്കും ബിസിനസ് ഡിസ്ട്രിക്ട്.
ഫിഫ ലോകകപ്പ് മുന്നില്ക്കണ്ടാണ് ഇത് നിര്മിക്കുന്നത്. ഹമദ് വിമാനത്താവളത്തില് മറ്റൊരു ടെര്മിനല് കൂടി നിര്മിച്ച് ഒന്ന് ഖത്തര് എയര്വെയ്സിന് മാത്രം നല്കുമെന്നും സിവില് ഏവിയേഷന് അതോറിറ്റി ചെയര്മാനും മാനേജിങ് ഡയരക്ടറുമായ അബുല് അസീസ് അല്നുഐമി പറഞ്ഞു.
No comments:
Post a Comment