സി.പി.എം. ജില്ലാ സെക്രട്ടറി പി.ജയരാജനും ഡി.വൈ.എഫ്.ഐ. സംസ്ഥാന സെക്രട്ടറി ടി.വി.രാജേഷ് എം.എല്.എ.ക്കുമെതിരെ പോലീസിന് നല്കിയ മൊഴിയില് താന് ഇപ്പോഴും ഉറച്ചുനില്ക്കുകയാണ്. കേസ് വിചാരണയ്ക്ക് വരുമ്പോള് ഇക്കാര്യം കോടതിയിലും പറയും. സി.പി.എമ്മിന്റെ വന് സമ്മര്ദവും ഭീഷണിയും കാരണമാണ് തളിപ്പറമ്പ് മുന്സിഫ് കോടതിയില് മൊഴി മാറ്റി നല്കിയത്. ജയരാജനും രാജേഷും തളിപ്പറമ്പ് സഹകരണ ആസ്പത്രിയിലുണ്ടായിരുന്നപ്പോള് താനും അവിടെയുണ്ടായിരുന്നു' -അബു പറഞ്ഞു.
തളിപ്പറമ്പ് സഹകരണ ആസ്പത്രിയില് പി.ജയരാജന്റെയും രാജേഷിന്റെയും സാന്നിധ്യത്തില് സി.പി.എം. ലോക്കല് സെക്രട്ടറി യു.വി.വേണു ഷുക്കൂറിനെ 'കൈകാര്യം'ചെയ്യാന് പറയുന്നത് കേട്ടിരുന്നുവെന്നാണ് അബുവും സാബിറും പോലീസിന് നല്കിയ മൊഴി. ഇവരെ പ്രധാന സാക്ഷിയാക്കിയാണ് ജയരാജനെയും രാജേഷിനെയും പ്രതിയാക്കിയത്. എന്നാല് ഇതേ സംഭവത്തിന്റെ മറ്റൊരു കേസില് തളിപ്പറമ്പ് മുന്സിഫ് കോടതിയില് ഇരുവരും നല്കിയ സത്യവാങ്മൂലത്തില് തങ്ങള് ഇത്തരമൊരു മൊഴി പോലീസിന് നല്കിയിട്ടില്ലെന്നും സംഭവദിവസം തളിപ്പറമ്പ് സഹകരണ ആസ്പത്രിയില് പോയിട്ടില്ലെന്നും വ്യക്തമാക്കി. ഈ മൊഴിമാറ്റമാണ് വിവാദമായത്.
ലീഗ്നേതാക്കളുടെ സംരക്ഷണയിലായതിന് ശേഷമാണ് അബു മൊഴിമാറ്റാനിടയായ സാഹചര്യം വ്യക്തമാക്കിയത്. മറ്റൊരു സാക്ഷി സാബിര് മുംബൈ വിമാനത്താവളംവഴി വിദേശത്തേക്ക് കടന്നതയാണ് വിവരം. ശനിയാഴ്ച മംഗലാപുരം വിമാനത്താവളംവഴി ഇദ്ദേഹം ഗള്ഫിലേക്ക് പോകുമെന്ന വിവരത്തിന്റെ അടിസ്ഥാനത്തില് ചില ലീഗ് പ്രവര്ത്തകര് ഇവിടെ എത്തിയിരുന്നു. എന്നാല് സാബിര് മംഗലാപുരത്ത് പോകാതെ മുംബൈവഴി വിദേശത്തേക്ക് പോയതായാണ് സൂചന.
 |
| Shukoor |
ടി.വി.രാജേഷ് ഒഴികെയുള്ള എല്ലാ പ്രതികള്ക്കും തിങ്കളാഴ്ച കോടതിയില് ഹാജരാകാനുള്ള സമന്സ് നല്കിയിട്ടുണ്ട്. പ്രതികള് കോടതിയില് ഹാജരായി പുതിയ ജാമ്യമെടുക്കുകയാണ് നടപടിക്രമം. എന്നാല് പി.ജയരാജനും മറ്റുചില പ്രതികളും തിങ്കളാഴ്ച കോടതിയില് ഹാജരാകില്ല. ഇവര് അഭിഭാഷകന് മുഖേന ജാമ്യത്തിന് സമയംതേടാനാണ് സാധ്യത. കേസില് പി.ജയരാജനും ടി.വി.രാാജേഷുമടക്കം 33 പ്രതികളാണുള്ളത്. ഇതില് ഒരാള് അന്തരിച്ചതിനെത്തുടര്ന്ന് അദ്ദേഹത്തെ പ്രതിപ്പട്ടികയില്നിന്ന് ഒഴിവാക്കിയിരുന്നു. കഴിഞ്ഞവര്ഷം ഫിബ്രവരി 20നാണ് അരിയിലിലെ എം.എസ്.എഫ്. പ്രവര്ത്തകനായ അബ്ദുള് ഷുക്കൂര് കൊല്ലപ്പെട്ടത്.
(മാതൃഭൂമി)
No comments:
Post a Comment