മലപ്പുറം ജില്ലാ കണ്‍വന്‍ഷന്‍ രാവിലെ 10 ന് ടൗണ്‍ഹാളില്‍ മുസ്‌ലിംലീഗ് അഖിലേന്ത്യാ പ്രസിഡന്റ്, കേന്ദ്ര വിദേശകാര്യ സഹമന്ത്രി ഇ അഹമ്മദ് ഉദ്ഘാടനം ചെയ്യും. സംസ്ഥാന ജനറല്‍ സെക്രട്ടറി കെ പി എ മജീദ്, സയ്യിദ് സാദിഖലി ശിഹാബ് തങ്ങള്‍, സംസ്ഥാന സെക്രട്ടറി ടി പി എം സാഹിര്‍, കെ എം ഷാജി എം എല്‍ എ തുടങ്ങിയവര്‍ പങ്കെടുക്കും. കോഴിക്കോട്ട് നളന്ദ ഓഡിറ്റോറിയത്തില്‍ വൈകീട്ട് 4 ന് അഖിലേന്ത്യാ ജനറല്‍ സെക്രട്ടറി പ്രൊഫ. ഖാദര്‍ മൊയ്തീന്‍ കണ്‍വന്‍ഷന്‍ ഉദ്ഘാടനം ചെയ്യും. മുസ്‌ലിംലീഗ് ദേശീയ ട്രഷറര്‍ വ്യവസായ വകുപ്പ്മന്ത്രി പി കെ കുഞ്ഞാലിക്കുട്ടി, ദേശീയ സെക്രട്ടറി ഇ ടി മുഹമ്മദ് ബഷീര്‍ എം പി, സംസ്ഥാന സെക്രട്ടറിമാരായ എം സി മായിന്‍ഹാജി, ടി പി എം സാഹിര്‍ എന്നിവര്‍ പങ്കെടുക്കും.
രാവിലെ 10 മണിക്ക് ചെര്‍ക്കളയില്‍ നടക്കുന്ന കാസര്‍കോട് ജില്ലാ കണ്‍വന്‍ഷനില്‍ മുസ്‌ലിംലീഗ് സംസ്ഥാന വൈസ് പ്രസിഡന്റ് വി കെ അബ്ദുല്‍ ഖാദര്‍ മൗലവി, അഡ്വ. എന്‍ ഷംസുദ്ദീന്‍ എം എല്‍ എ, എം സി വടകര എന്നിവരും വയനാട് ജില്ലാ കണ്‍വന്‍ഷനില്‍ പഞ്ചായത്ത്‌സാമൂഹികനീതി വകുപ്പ് മന്ത്രി ഡോ. എം കെ മുനീര്‍, സംസ്ഥാന വൈസ് പ്രസിഡന്റ് സി ടി അഹമ്മദലി, ഷാഫി ചാലിയം എന്നിവരും സംബന്ധിക്കും. രാവിലെ 10 ന് കല്‍പ്പറ്റ ടൗണ്‍ഹാളിലാണ് വയനാട് ജില്ലാ കണ്‍വന്‍ഷന്‍.
പാലക്കാട് ജില്ലാ കണ്‍വന്‍ഷന്‍ കെ പി എ മജീദ് ഉദ്ഘാടനം ചെയ്യും. സംസ്ഥാന സെക്രട്ടറി പി വി അബ്ദുല്‍ വഹാബ്, അഡ്വ. കെ എന്‍ എ ഖാദര്‍ എം.എല്‍.എ, പി എ റഷീദ് തുടങ്ങിയവര്‍ പങ്കെടുക്കും. തൃശൂര്‍ ജില്ലാ കണ്‍വന്‍ഷനില്‍ സംസ്ഥാന സെക്രട്ടറി ടി എം സലീം, വി എം ഉമ്മര്‍ മാസ്റ്റര്‍ എം എല്‍ എ എന്നിവരും ഇടുക്കിയില്‍ സംസ്ഥാന വൈസ് പ്രസിഡന്റ് പി. എച്ച് അബ്ദുസലാം ഹാജിയും പങ്കെടുക്കും.
കൊല്ലം ജില്ലാ കണ്‍വന്‍ഷന്‍ പൊതുമരാമത്ത് വകുപ്പ് മന്ത്രി വി കെ ഇബ്രാഹിംകുഞ്ഞ് ഉദ്ഘാടനം ചെയ്യും. സംസ്ഥാന വൈസ് പ്രസിഡന്റ് കെ കുട്ടി അഹമ്മദ് കുട്ടി, മുസ്‌ലിം യൂത്ത്‌ലീഗ് സംസ്ഥാന പ്രസിഡന്റ് പി എം സാദിഖലി പ്രസംഗിക്കും. ഈ മാസം 13 ന് തിരുവനന്തപുരം ഗാന്ധിപാര്‍ക്കില്‍ നടക്കുന്ന മുസ്‌ലിംലീഗ് സംഗമം സംസ്ഥാന ജനറല്‍ സെക്രട്ടറി കെ പി എ മജീദ് ഉദ്ഘാടനം ചെയ്യും. കെ കുട്ടി അഹമ്മദ് കുട്ടി സംബന്ധിക്കും. സ്ഥാപക ദിനത്തോടനുബന്ധിച്ച് വിവിധ ജില്ലാ, മണ്ഡലം കേന്ദ്രങ്ങളില്‍ പൊതുസമ്മേളനങ്ങളും നടക്കുന്നുണ്ട്.
No comments:
Post a Comment