ബ്രോഡ്ബാന്റ് കണക്ഷനുകള്‍ക്കും ഇന്‍സ്റ്റലേഷന്‍ ചാര്‍ജ് ഒഴിവാക്കി

കണ്ണൂര്‍. ഈമാസം 31 വരെ പുതുതായി റജിസ്റ്റര്‍ ചെയ്യുന്ന എല്ലാ ബ്രോഡ്ബാന്റ് കണക്ഷനുകള്‍ക്കും ഇന്‍സ്റ്റലേഷന്‍ ചാര്‍ജിനത്തില്‍ 250 രൂപ ഒഴിവാക്കി. ബ്രോഡ്ബാന്റിന്റെ പ്രതിമാസ ചാര്‍ജിനത്തില്‍ ജനറല്‍ പ്ളാനുകളായ 250 രൂപ, 350 രൂപ പ്ളാനുകള്‍ക്കൊഴികെ മറ്റെല്ലാ പ്ളാനുകള്‍ക്കും നേരിയ വര്‍ധന മാര്‍ച്ച് ഒന്നു മുതല്‍ നടപ്പിലാക്കിയിട്ടുണ്ട്. 499, 625, 750 രൂപയുടെ അണ്‍ലിമിറ്റഡ്, ബ്രോഡ്ബാന്റ് ഹോം പ്ളാനുകളുടെ പ്രതിമാസ ചാര്‍ജ് യഥാക്രമം 525, 650, 800 രൂപയാക്കി മാറ്റി. ജനറല്‍ അണ്‍ലിമിറ്റഡ് പ്ളാനുകളായ 850, 1000, 1350 രൂപ പ്ളാനുകളുടെ പ്രതിമാസ ചാര്‍ജ് യഥാക്രമം 900, 1050, 1425 രൂപയാക്കിയും പരിഷ്കരിച്ചു. ബ്രോഡ്ബാന്റ് കോംബോ പ്ളാനുകളില്‍ ലഭിക്കുന്ന സൌജന്യ വോയ്സ് കോളുകള്‍ ബിഎസ്എന്‍എല്‍ നെറ്റ്വര്‍ക്കിലേക്കു മാത്രം പരിമിതപ്പെടുത്തുന്നതോടൊപ്പം, ഉപരിയായി വരുന്ന എല്ലാ കോളുകള്‍ക്കും യൂണിറ്റിനു 1 രൂപ 20 പൈസ ചാര്‍ജ് ഈടാക്കുമെന്നു ബിഎസ്എന്‍എല്‍ ജനറല്‍ മാനേജര്‍ അറിയിച്ചു.