തൂത്തുക്കുടി സ്വദേശികളായ അരുള്‍ ദയാളന്‍, വിനോദ് എന്നിവരുടെ മൃതദേഹം ആശുപത്രിയില്‍ പോസ്റ്റ്മോര്‍ട്ടം ചെയ്തു ഒന്നിച്ചു നാട്ടിലേക്ക് കൊണ്ടുപോവാന്‍ മന്ത്രി കെ.പി. മോഹനന്റെ നേതൃത്വത്തില്‍ ഒരുക്കങ്ങളെല്ലാം പൂര്‍ത്തിയാക്കിയെങ്കിലും ഒന്നിനു പിറകെ പോസ്റ്റ്മോര്‍ട്ടം ചെയ്തു കിട്ടാത്തതിനാല്‍ ഒരു മൃതദേഹവുമായി ആശുപത്രി പരിസരത്ത് ബന്ധപ്പെട്ടവര്‍ രണ്ടു മണിക്കൂറിലേറെ കാത്തിരുന്നു.
ലോറി ഡ്രൈവര്‍ പത്തായക്കുന്നിലെ ധനിലിന്റെ മൃതദേഹം രാവിലെ തന്നെ പോസ്റ്റ്മോര്‍ട്ടം ചെയ്തു ബന്ധുക്കള്‍ ഏറ്റുവാങ്ങി. തുടര്‍ന്ന് തൂത്തുക്കുടിയിലെ അരുള്‍ദയാലിന്റേതും കിട്ടി. തുടര്‍ന്ന് പാനൂര്‍ പുത്തൂരില്‍ വാഹനാപകടത്തില്‍ മരിച്ച യുവാവിന്റെ മൃതദേഹം പോസ്റ്റ്മോര്‍ട്ടം ചെയ്യാന്‍ നിയോഗിക്കപ്പെട്ട ഡോക്ടര്‍ എത്തി.
എന്നാല്‍ തമിഴ്നാട്ടിലേക്ക് പോകേണ്ടതിനാല്‍ മേക്കുന്ന് അപകടത്തില്‍പ്പെട്ട വിനോദന്റെ മൃതദേഹം പോസ്റ്റ്മോര്‍ട്ടം ചെയ്യാന്‍ അവസരമൊരുക്കണമെന്നാവശ്യപ്പെട്ടെങ്കിലും നിയമവും ചട്ടവും പറഞ്ഞു ഡോക്ടര്‍ തന്റെ ഡ്യൂട്ടി നിര്‍വഹിച്ചു. ഇതോടെ
നേരത്തെ പോസ്റ്റ്മോര്‍ട്ടം ചെയ്ത അരുള്‍ദാസിന്റെ മൃതദേഹം കയറ്റിയ ആംബുലന്‍സുമായി ബന്ധുക്കളും നാട്ടുകാരും അവരോടൊപ്പം മന്ത്രി കെ.പി. മോഹനനും രണ്ടു മണിക്കൂറിലേറെ ആശുപത്രി മോര്‍ച്ചറിക്ക് മുന്‍പില്‍ കാത്തു നിന്നു. ഇതേത്തുടര്‍ന്ന് വൈകീട്ട് മൂന്നു മണിയോടെയാണ് രണ്ടു മൃതദേഹങ്ങളും തമിഴ്നാട്ടിലേക്ക് കൊണ്ടുപോയത്.
(Malayalamanoram)
No comments:
Post a Comment