രാവിലെ 10.30നാണ് അദ്ദേഹം കൊല്ലൂരിലേക്ക് പുറപ്പെട്ടത്. കാണാനെത്തിയ പത്രലേഖകരെ സൗമ്യനായി ചിരിച്ചുകൊണ്ട് അദ്ദേഹം നേരിട്ടു. സ്വകാര്യ സന്ദര്ശനമാണെന്നും ചോദ്യങ്ങളൊന്നും ചോദിക്കരുതെന്നുമുള്ള മന്ത്രിയുടെ പുഞ്ചിരിനിറഞ്ഞ മറുപടിക്ക് മുന്നില് പത്രലേഖകര് കീഴടങ്ങി. ഗസ്റ്റ് ഹൌസില് മറ്റൊരു പരിപാടിയില് പങ്കെടുക്കാനെത്തിയ എന്.എ നെല്ലിക്കുന്ന് എം.എല്.എയും ജില്ലാപഞ്ചായത്തംഗം പാദൂര് കുഞ്ഞാമുഹാജിയും മന്ത്രിയുമായി സംസാരിച്ചു.
യാത്ര നേരത്തെ തീരുമാനിച്ചതാണെന്ന് ഗണേശ്കുമാര് എന്.എ നെല്ലിക്കുന്ന് എം.എല്.എയോട് പറഞ്ഞു.
മൂകാബിക ക്ഷേത്ര ദര്ശനത്തിന് ശേഷം തിങ്കളാഴ്ച മന്ത്രി തിരുവനന്തപുരത്തേക്ക് മടങ്ങും.
കാമുകിയുടെ ഭര്ത്താവ് ഔദ്യോഗിക വസതിയിലെത്തി ഒരു മന്ത്രിയുടെ കരണത്തടിച്ചുവെന്ന പത്രവാര്ത്തയും ആ മന്ത്രി ഗണേശ്കുമാറാണെന്ന ചീഫ് വിപ്പ് പി.സി ജോര്ജ്ജിന്റെ പ്രസ്താവനയും വിവാദമായതോടെ ഗണേശ് കുമാറിന്റെ മന്ത്രി പദവി തുലാസിലായിരുന്നു. ഗണേശ് കുമാര് മന്ത്രി സ്ഥാനം രാജിവെക്കണമെന്ന് പ്രതിപക്ഷം മുറവിളി കൂട്ടിയപ്പോള് അതാഗ്രഹിച്ച ചിലര് ഭരണപക്ഷത്തുമുണ്ടായിരുന്നു. ഗണേശ്കുമാറിന്റെ പാര്ട്ടിയിലെ ചിലരും രാജിവെക്കണമെന്ന ആവശ്യവുമായി രംഗത്തുവന്നിരുന്നു. ആര്. ബാലകൃഷ്ണപിള്ളയുമായി മന്ത്രി ഷിബു ബേബിജോണ് നടത്തിയ ചര്ച്ചക്കൊടുവിലാണ് മഞ്ഞുരുകിയത്.
No comments:
Post a Comment