കാസര്കോട് : മാര്ക്കറ്റ് കുന്നിനു സമീപം ഇരുനില വീട്ടില് കവര്ച്ചയ്ക്കെത്തിയ മോഷ്ടാവിന്റെ മൊബൈല് ഫോണ് ശബ്ദിച്ചു. വീട്ടുകാര് ഉണര്ന്നതിനാല് മോഷണ ശ്രമം ഉപേക്ഷിച്ച് മോഷ്ടാവ് ഓടി രക്ഷപ്പെട്ടു. ഇതിനിടയില് രണ്ടു വീടുകളിലെ വരാന്തയിലും രക്തക്കറ കണ്ടത് നാട്ടുകാരെ ഭീതിയിലാഴ്ത്തി. വിവരമറിഞ്ഞ് പോലീസ് എത്തി അന്വേഷിച്ചപ്പോള് മോഷ്ടാവ് ഓടുന്നതിനിടയില് കല്ലില് കാല് തട്ടി മുറിഞ്ഞുണ്ടായ രക്തമാണെന്ന് അറിയിക്കുകയായിരുന്നു. ഞായറാഴ്ച രാത്രി പന്ത്രണ്ടു മണിയോടെ മാര്ക്കറ്റ് കുന്നിലെ ദൈനബിയുടെ വീട്ടിലാണ് മോഷ്ടാവ് കവര്ച്ചയ്ക്കെത്തിയത്. ദൈനബിയുടെ വീടിന്റെ പണി പൂര്ത്തിയായിട്ടില്ല.. മുകളിലത്തെ നിലയില് വാതില് സ്ഥാപിക്കാത്തതു കാരണം പ്ലാസ്റ്റിക് മറച്ചുവെച്ചിരുന്നു. ഇതിലൂടെയാണ് മോഷ്ടാവ് അകത്തു കയറിയത്. കോണിപ്പടിയിലൂടെ താഴെയിറങ്ങിയ മോഷ്ടാവ് കിടന്നുറങ്ങുകയായിരുന്ന ദൈനബിയുടെയും മകള് സുഹറയുടെയും അടുത്തെത്തുകയായിരുന്നു. ഇതിനിടയിലാണ് മോഷ്ടാവിന്റെ മൊബൈല് ശബ്ദിച്ചത്. ഫോണിന്റെ ശബ്ദം കേട്ട് ദൈനബിയും മകളും ഞെട്ടി ഉണര്ന്ന് ബഹളം വെച്ചതോടെ പരിസരവാസികളും എത്തി. ഇതിനിടയിലാണ് മോഷ്ടാവ് വന്ന വഴിയില് തന്നെ രക്ഷപ്പെട്ടത്. നാട്ടുകാര് തിരച്ചില് നടത്തിയെങ്കിലും മോഷ്ടാവിനെ കണ്ടെത്താനായില്ല. വിവരമറിഞ്ഞ് പോലീസും രാത്രി തന്നെ സ്ഥലത്തെത്തിയിരുന്നു. ഇതിനിടയിലാണ് മാര്ക്കറ്റ് കുന്നിനു സമീപത്തെ റഫീഖിന്റെ അടുക്കളയുടെ പുറത്തും, തൊട്ടു സമീപത്തെ ആള്താമസമില്ലാത്ത ഒരു വീടിന്റെ വരാന്തയിലും രക്തക്കറ കണ്ടത്. ദൈനബിയുടെ വീടിനു സമീപത്തെ റോഡിലും രക്തതുള്ളി വീണനിലയില് കണ്ടു. ഇതോടെയാണ് രക്തക്കറ മോഷ്ടാവിന്റേതാണെന്ന് പോലീസ് സംശയിച്ചത്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News
Subscribe to:
Post Comments (Atom)
Follow us on facebook
![](http://3.bp.blogspot.com/--CMNdC_GCgE/Xh4KJB3SizI/AAAAAAAAwyU/HGBNbwMbalkjrhaQOj_1UyG2d4emzRz_gCK4BGAYYCw/s1600/SYS.png)
Popular Posts
-
തലശ്ശേരി: ആര് എസ് എസ് പ്രവര്ത്തകന് പിണറായിയിലെ കൊല്ലനാണ്ടി രമിത്തിനെ വെട്ടിക്കൊലപ്പെടുത്തിയ കേസില് രണ്ട് പ്രതികള്ക്ക് ജില്ലാ സെഷന്...
-
കണ്ണൂര്: കണ്ണൂര് നഗരസഭ മുന് ചെയര്മാനും മുസ്ലിംലീഗ് സംസ്ഥാന പ്രവര്ത്തക സമിതിയംഗവും ജില്ലാ വൈസ് പ്രസിഡണ്ടുമായ ബി.പി. ഫാറൂഖ് (55) അന...
-
[www.malabarflash.com] വീണ്ടുമൊരു അന്വര് റഷീദ് ചിത്രവുമായി മമ്മൂട്ടി. ഒന്നോ രണ്ടോ ചിത്രങ്ങളില് സഹസംവിധായകനായി പ്രവര്ത്തിച്ചതിന്റെ ...
-
ഒരു കാലത്ത് രാഷ്ട്രീയ അധികാരത്തിന്റെ ആസ്ഥാനമായിരുന്നു അള്ളടം ദേശം. അള്ളടം മുക്കാതം നാട് എന്നും വിളിച്ചിരുന്നു. തെക്ക് തൃക്കരിപ്പൂര് ഒളവ...
-
കാഞ്ഞങ്ങാട് : പാചക തൊഴിലാളി അസോസിയേഷന് (കെ പി ടി എ) മൂന്നാം ജില്ലാ സമ്മേളനം ഇ ചന്ദ്രശേഖരന് എം എല് എ ഉദ്ഘാടനം ചെയ്തു. കാഞ്ഞങ്ങാട് കപ്...
![](http://4.bp.blogspot.com/-Pqw9ZEN0yCA/XCrlLBlv2oI/AAAAAAAAnvc/Fg7_tZx9H6AiYPtfofRGODG3QTXYpcF4gCK4BGAYYCw/s1600/Advt-mf.png)
No comments:
Post a Comment