അണങ്കൂര് സ്വദേശിയും ഉളിയത്തടുക്കയിലെ താമസക്കാരനുമായ ഷാഹുല് ഹമീദ് (26) ആണ് മരിച്ചത്. ശനിയാഴ്ച പുലര്ച്ചെ മൂന്നുമണിക്ക് മൊഗറിലാണ് അപകടം.
ശനിയാഴ്ച രാത്രി മൊഗറില് നടക്കേണ്ടിയിരുന്ന ഫ്ളഡ്ലൈറ്റ് ഫുട്ബോള് മത്സരത്തിന് ഫ്ളഡ്ലൈറ്റ് കെട്ടുന്നതിനിടയിലായിരുന്നു അപകടം. വീണുപോകാതിരിക്കാന് അരയില് കയര്ചുറ്റി കവുങ്ങിന് മുകളില് കെട്ടിയിരുന്നു. കവുങ്ങ് ചെരിഞ്ഞ് തൊട്ടടുത്ത വൈദ്യുതി കമ്പിക്ക് മുകളിലേക്കാണ് വീണത്. അരയില് കയര് കെട്ടിയതിനാല് ഊര്ന്നിറങ്ങി രക്ഷപ്പെടാനും കഴിഞ്ഞില്ല. അണങ്കൂരിലെ ലൈറ്റ് ആന്റ് സൌണ്ട് കടയില് ജോലി ചെയ്തുവരികയായിരുന്നു.
അബ്ദുല്ഖാദറിന്റെയും സാബിറയുടെയും മകനാണ്. ഭാര്യ: സൈഫുന്നിസ. മൂന്നുമാസം മുന്പാണ് വിവാഹം കഴിഞ്ഞത്. സഹോദരങ്ങള്: ഷഫീഖ്, സാദിഖ്, ഹബീബ്.
No comments:
Post a Comment