എസ്.എസ്.എല്‍.സി പരീക്ഷകള്‍ അവസാനിച്ചു; മൂല്യനിര്‍ണയം ഏപ്രില്‍ ഒന്നുമുതല്‍

തിരുവനന്തപുരം: എസ്.എസ്.എല്‍.സി പരീക്ഷ വ്യാഴാഴ്ച അവസാനിച്ചു. ബയോളജിയാണ് അവസാന ദിവസം പരീക്ഷ നടന്നത്. സ്‌കൂള്‍ ഗോയിങ് വിഭാഗത്തിന്റേത് ഒഴികെയുള്ള ഐ. ടി പരീക്ഷകളാണ് ഇനി നടക്കാനുള്ളത്. ഇവരുടെ ഐ.ടി തിയറി പരീക്ഷ പഴയ സ്‌കീമില്‍ ഈ മാസം 23നും പ്രാക്റ്റിക്കല്‍ പരീക്ഷ 25നുമാണ്. ഇത്തവണ ഇംഗ്ലീഷ് ചോദ്യപേപ്പറിലുണ്ടായ പ്രശ്‌നം സംബന്ധിച്ചു സ്‌കീം ഫൈനലൈസേഷന് ശേഷം തീരുമാനമെടുക്കും. ഇതിനായി തിരഞ്ഞെടുക്കപ്പെട്ട ഇംഗ്ലീഷ് ഉത്തരക്കടലാസുകള്‍ പരിശോധന നടത്തും.
ചോദ്യത്തിലെ ആശയക്കുഴപ്പം വിദ്യാര്‍ഥികളെ ബാധിച്ചോ എന്നറിയാനാണ് ഉത്തരക്കടലാസുകള്‍ പരിശോധിക്കുന്നത്. ഏപ്രില്‍ ഒന്നുമുതല്‍ 15 വരെ 54 കേന്ദ്രങ്ങളിലായാണു മൂല്യനിര്‍ണയം. ഏപ്രില്‍ 7, 14 തിയ്യതികളില്‍ ക്യാംപിന് അവധിയായിരിക്കും. 12,500 അധ്യാപകരെ മൂല്യനിര്‍ണയത്തിനായി നിയോഗിക്കും.
മൂല്യനിര്‍ണയത്തിനു മുമ്പായി എല്ലാ വിഷയങ്ങളുടെയും ഉത്തരസൂചികകള്‍ തീര്‍ച്ചപ്പെടുത്തുന്നതിനായി സ്‌കീം ഫൈനലൈസേഷന്‍ ക്യാംപുകള്‍ 25, 26 തിയ്യതികളില്‍ നടക്കും. മാര്‍ക്കുകളുടെ ടാബുലേഷന്‍ ജോലികള്‍ ഏപ്രില്‍ രണ്ടു മുതല്‍ പരീക്ഷാഭവനില്‍ ആരംഭിക്കും. ഏപ്രില്‍ അവസാനവാരത്തില്‍ ഫലപ്രഖ്യാപനം നടത്താനാണു വിദ്യാഭ്യാസ വകുപ്പിന്റെ തീരുമാനം.
4.79 ലക്ഷം വിദ്യാര്‍ഥികളാണ് ഇത്തവണ എസ്.എസ്.എല്‍.സി പരീക്ഷയ്ക്കായി രജിസ്റ്റര്‍ ചെയ്­തത്.

Photo C. Suresh Kumar

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News