കണ്ണൂര്‍:കടവരാന്തയില്‍ നിര്‍ത്തിയിട്ട ബൈക്കില്‍നിന്ന് അര്‍ധരാത്രി പെട്രോള്‍ മോഷ്ടിക്കുന്നതിനിടെ രണ്ട് യുവാക്കളെ നാട്ടുകാര്‍ പിടികൂടി പോലീസിലേല്പിച്ചു. വെള്ളിയാഴ്ച രാത്രി 11.30ഓടെ താണയ്ക്കടുത്ത് ടി.കെ.സ്റ്റോപ്പിലാണ് സംഭവം. കടവരാന്തയില്‍ നിര്‍ത്തിയിട്ട ബൈക്കിന്റെ പെട്രോള്‍ പൈപ്പ് മുറിച്ച് എണ്ണ ഊറ്റുന്നത് കണ്ട നാട്ടുകാര്‍ ഓടിച്ച് പിടികൂടുകയായിരുന്നു. ഒരാള്‍ ഓടുന്നതിനിടെ വീണ് പരിക്കേറ്റു. കൂടെയുണ്ടായിരുന്നയാളെ അടുത്തുള്ള കുറ്റിക്കാട്ടില്‍ ഒളിച്ച നിലയില്‍ പിടികൂടി.
പിടിയിലായ രണ്ടുപേര്‍ ആലക്കോട് പൂവഞ്ചാല്‍ സ്വദേശികളാണെന്ന് ടൗണ്‍ പോലീസ് അറിയിച്ചു. യുവാക്കള്‍ സഞ്ചരിച്ച ബൈക്കിന്റെ നമ്പര്‍ വ്യാജമാണെന്ന് പോലീസ് അന്വേഷണത്തില്‍ കണ്ടെത്തി. പരിക്കേറ്റ യുവാവിനെ പോലീസ് ആസ്പത്രിയിലെത്തിച്ച് പ്രഥമ ശുശ്രൂഷ നല്കി. ഇരുവരും പോലീസ് കസ്റ്റഡിയിലാണുള്ളത്.
No comments:
Post a Comment