മര്‍ച്ചന്റ് നേവി ഉദ്യോഗസ്ഥന്‍ തീവണ്ടി തട്ടി മരണപ്പെട്ടു

കണ്ണൂര്‍ : മര്‍ച്ചന്റ് നേവി ഉദ്യോഗസ്ഥന്‍ തീവണ്ടി തട്ടി മരണപ്പെട്ടു. തയ്യില്‍ മൈതാനപ്പള്ളിയിലെ ചെറിയ പുരയില്‍ സുരേഷി ന്റെ മകന്‍ സുധീഷാണ് (23) രാത്രി ചൊവ്വ റെയില്‍വെ സ്റ്റേഷനടുത്ത് തീവണ്ടിതട്ടി മരിച്ചനിലയില്‍ കാണപ്പെട്ടത്. ഗുജറാത്തില്‍ മര്‍ച്ചന്റ് നേവിയില്‍ ജോലിയചെയ്യുന്ന സുധീഷ് തിങ്കളാഴ്ച നടന്ന സഹോദരിയുടെ വിവാഹ നിശ്ചയത്തില്‍ പങ്കെടുക്കാനാണ് കഴിഞ്ഞാഴ്ച നാട്ടിലെത്തിയത്. മൂന്ന് വര്‍ഷം മുമ്പാണ് ജോലിയില്‍ പ്രവേശിച്ചത്. അമ്മ: ഗീത. സഹോദരി: ഹരിത. മൃതദേഹം ജില്ലാ ആശുപത്രിയില്‍ ഇന്‍ക്വസ്റ്റ് നടത്തി.