രാജപുരം സ്വദേശി അജ്മാനില്‍ മരിച്ചു

രാജപുരം: അജ്മാനില്‍ ഹൃദയാഘാതത്തേത്തുടര്‍ന്ന് യുവാവ് മരിച്ചു. പന്നിത്തോളത്തെ പി.നാരായണന്‍-മാധവി ദമ്പതികളുടെ മകന്‍ രാജേഷ് (27) ആണ് മരിച്ചത്. കഴിഞ്ഞ ദിവസം ജോലികഴിഞ്ഞു കിടന്നുറങ്ങിയ രാജേഷ് രാവിലെയായിട്ടും ഉണരാത്തതിനേത്തുടര്‍ന്ന് കൂടെ താമസിക്കുന്നവര്‍ വിളിക്കുമ്പോഴാണ് മരിച്ചതായി അറിയുന്നത്. മൂന്നു വര്‍ഷത്തിലധികമായി അജ്മാനില്‍ ജോലിചെയ്തു വരികയായിരുന്ന ഇയാള്‍ വിഷുവിനു നാട്ടില്‍ വരാനുള്ള തയാറെടുപ്പിലായിരുന്നു. എംബസിയുമായി ബന്ധപ്പെട്ട മൃതദേഹം എത്രയും പെട്ടെന്ന് നാട്ടിലെത്തിക്കാനുള്ള ശ്രമത്തിലാണ് ബന്ധുക്കള്‍.സഹോദരങ്ങള്‍: സുധീഷ്, രതീഷ്, രജിത.