മട്ടന്നൂരില്‍ യുവാവില്‍നിന്ന് 8.25 ലക്ഷംരൂപയുട കുഴല്‍പ്പണം പിടികൂടി

മട്ടന്നൂര്‍: പട്രോളിങ്ങിനിടെ സംശയസാഹചര്യത്തില്‍ കണ്ട യുവാവില്‍നിന്ന് 8.25 ലക്ഷംരൂപയുട കുഴല്‍പ്പണം പിടികൂടി. ശനിയാഴ്ച വൈകുന്നേരം കൂടാളി കോയസ്സന്‍കുന്നില്‍ നടത്തിയ പരിശോധനയിലാണ് മട്ടന്നൂര്‍ എസ്.ഐ. കെ.വി.പ്രമോദിന്റെ നേതൃത്വത്തില്‍ കുഴല്‍പ്പണം പിടികൂടിയത്. മുണ്ടയാട് അതിരകം പള്ളിപ്രം റോഡിലെ കോളേക്കര ഹൗസിലെ കെ.ഹാരിസ് (38) ആണ് കസ്റ്റഡിയിലായത്.

ഇയാളുടെ ബൈക്കും കസ്റ്റഡിയിലെടുത്തിട്ടുണ്ട്. കണ്ണൂരിലും പരിസരങ്ങളിലും കുഴല്‍പ്പണമെത്തിച്ചശേഷം ഇരിട്ടിയില്‍ പണമെത്തിക്കാനുള്ള ശ്രമത്തിനിടയിലാണ് ഇയാള്‍ പിടിയിലായതെന്ന് പോലീസ് പറഞ്ഞു. ഇയാളെ കൂടുതല്‍ ചോദ്യംചെയ്തശേഷം കോടതിയില്‍ ഹാജരാക്കും.

സിവില്‍ പോലീസ് ഓഫീസര്‍മാരായ മനോജ്കുമാര്‍, രാജീവന്‍, അനീഷ് എന്നിവരുള്‍പ്പെട്ട സംഘമാണ് ഹാരിസിനെ പിടികൂടിയത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News