അമ്മയും മകളും വീട്ടുമുറ്റത്ത് ഷോക്കേറ്റ് മരിച്ചു

ഗോവിന്ദാപുരം: മുതലമട എം പുതൂരില്‍ അമ്മയും മകളും വീട്ടുമുറ്റത്ത് ഷോക്കേറ്റ് മരിച്ചനിലയില്‍. സഹകരണബാങ്കിനടുത്ത് താമസിക്കുന്ന ആറുമുഖ കൗണ്ടറുടെ ഭാര്യ ശിലമ്പുശെല്‍വി (45), മകള്‍ ശരണ്യ (21) എന്നിവരാണ് മരിച്ചത്. ഞായറാഴ്ചരാവിലെ 11 ഓടെയായിരുന്നു സംഭവം. വീട്ടിനടുത്തുള്ള ഷീറ്റുമേഞ്ഞ പുരയില്‍നിന്ന് പറമ്പിലെ തെങ്ങിലേക്ക് വലിച്ചുകെട്ടിയ കമ്പിയില്‍നിന്നാണ് ഷോക്കേറ്റത്.

ശിലമ്പുശെല്‍വിയുടെ വലതുകാലിലും കൈയിലും കമ്പിതട്ടി കമിഴ്ന്നടിച്ചുവീണ നിലയിലും മകളുടെ കൈയില്‍ കമ്പിചുറ്റിയ നിലയിലുമായിരുന്നു.

വീട്ടിലെ ടാങ്കിലേക്ക് വെള്ളംനിറയ്ക്കാന്‍ പറമ്പിലെ മോട്ടോര്‍ഷെഡ്ഡില്‍ ആറുമുഖകൗണ്ടര്‍ പോയ സമയത്തായിരുന്നു സംഭവം. വെള്ളം കവിഞ്ഞൊഴുകിയിട്ടും വീട്ടില്‍നിന്ന് പ്രതികരണമില്ലാത്തതിനാല്‍ കൗണ്ടര്‍ തിരികെയെത്തിയപ്പോഴാണ് സംഭവം കണ്ടത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News