ലീഗ് മുട്ടുമടക്കിയതു സമുദായവഞ്ചന: എസ്.ഡി.പി.ഐ

കോഴിക്കോട്: മുസ്‌ലിംലീഗും ചന്ദ്രികയും ആത്മാഭിമാനം കളഞ്ഞുകുളിച്ച് എന്‍.എസ്.എസിന്റെ മുന്നില്‍ മുട്ടുമടക്കിയതു പാര്‍ട്ടി നടത്തുന്ന സമുദായവഞ്ചനയുടെ തുടര്‍ച്ചയാണെന്ന് എസ്.ഡി.പി.ഐ. സംസ്ഥാന പ്രസിഡന്റ് അഡ്വ.കെ എം അശ്‌റഫ് ആരോപിച്ചു.

ചന്ദ്രിക വിളിച്ചുപറഞ്ഞതു സത്യങ്ങളായിരുന്നു. എന്നാല്‍, സത്യംപറഞ്ഞതു തെറ്റിപ്പോയെന്നു ഖേദപ്രകടനം നടത്തേണ്ട ഗതികേടിലാണു ലീഗ് എത്തിപ്പെട്ടത്. ലീഗിനെയും ന്യൂനപക്ഷങ്ങളെയും മൊത്തത്തില്‍ അധിക്ഷേപിക്കുന്ന സുകുമാരന്‍ നായരെ വിമര്‍ശിക്കാനേ പാടില്ലെന്നാണ് ഈ സംഭവം തെളിയിക്കുന്നത്.

സുകുമാരന്‍ നായരുടെ മാനനഷ്ടക്കേസിനെ നേരിടാനുള്ള ആര്‍ജവമാണു ലീഗ് കാണിക്കേണ്ടത്. ലീഗിനെതിരേ എല്ലാ അമ്പുകളുമെയ്യുന്ന സുകുമാരന്‍ നായരുടെയോ അദ്ദേഹം പ്രതിനിധീകരിക്കുന്ന മുന്നാക്ക സവര്‍ണ-സംഘപരിവാര ശക്തികളുടെയോ ഗുഡ് സര്‍ട്ടിഫിക്കറ്റ് നേടാനാവുമെന്ന ലീഗിന്റെ ധാരണ ഒരു കാലത്തും നടക്കാനിടയില്ല.

ഉദ്യോഗസ്ഥരെയും മാധ്യമങ്ങളെയും കൂട്ടുപിടിച്ച് ന്യൂനപക്ഷങ്ങള്‍ക്കെതിരായി നടത്തുന്ന അധര്‍മ യുദ്ധത്തിനു ലീഗിന്റെ ഇപ്പോഴത്തെ നിലപാട് ശക്തിവര്‍ധിപ്പിക്കുകയാണു ചെയ്യുക- അശ്‌റഫ് കൂട്ടിച്ചേര്‍ത്തു.

 

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News