ലോകത്തെ ആദ്യ 8.1ഇഞ്ച് വിന്‍ഡോസ് 8 ടാബ്‌ലെറ്റുമായി എയ്‌സര്‍

തായ്‌പെയ്: ടാബ്‌ലെറ്റ് വിപണിയില്‍ തങ്ങളുടേതായ ഇടം കണ്ടെത്തുക എന്ന ലക്ഷ്യത്തോടെ എയ്‌സര്‍ തങ്ങളുടെ പുതിയ ടാബ്‌ലെറ്റ് അവതരിപ്പിച്ചു. ഐകോണിയ ഡബ്ലിയു3 എന്ന് പേരിട്ടിരിക്കുന്ന ഈ ടാബ് ലെറ്റ് ലോകത്തെ ആദ്യ 8.1ഇഞ്ച് വിന്‍ഡോസ് 8 ടാബ്‌ലെറ്റാണെന്നാണ് എയ്‌സറിന്റെ അവകാശവാദം. ‘ഡെസ്‌ക് ടോപ് നിങ്ങളുടെ കൈവശമെത്തിക്കുന്നു’ എന്ന ടാഗ്‌ലൈനുമായി അവതരിപ്പിച്ച ഐകോണിയ 1280X800 റെസലൂഷനോടെ എച്ച്ഡി ഡിസ്‌പ്ലേ പ്രദാനം ചെയ്യുന്നു. ബിസിനസ് ഉപയോഗത്തിനേക്കാള്‍ വിദ്യാര്‍ത്ഥികള്‍ക്കായിരിക്കും ഏകോണിയ കൂടുതല്‍ പ്രയോജനപ്രദമാകുകയെന്ന് എയ്‌സര്‍ പറയുന്നു.

ഇന്റല്‍ പ്രൊസസറില്‍ പ്രവര്‍ത്തിക്കുന്ന ഐകോണിയയുടെ ബാറ്ററി ലൈഫ് എട്ട് മണിക്കൂറാണ്. 32 ജിബി വരെ മെമ്മറി വര്‍ധിപ്പിക്കാവുന്ന മൈക്രോ എസ്ഡി കാര്‍ഡ്, 32 ജിബി അഥവാ 64 ജിബി ഇന്റേര്‍ണല്‍ സ്‌റ്റോറേജ് എന്നിവയും എയ്‌സര്‍ കുടുംബത്തിലെ പുതിയ ടാബ്‌ലെറ്റ് പ്രദാനം ചെയ്യുന്നു. ചൊവ്വാഴ്ച്ച മുതല്‍ ടാബ് ലെറ്റ് മുന്‍കൂട്ടി ബുക്ക് ചെയ്യാന്‍ സാധിക്കും. യുഎസ് വിപണിയില്‍ ആദ്യം രംഗത്തിറക്കുന്ന ഐകോണിയ വരും മാസങ്ങളില്‍ മറ്റ് രാജ്യങ്ങളിലെ ടാബ്‌ലെറ്റ് വിപണികളിലും ലഭ്യമായി തുടങ്ങും. 379 ഡോളറാണ് ഐകോണിയ ഡബ്ലിയുവിന്റെ വില.

ടെക് ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ആസ്പയര്‍ ആര്‍7 ഹൈബ്രിഡ് നോട്ട്ബുക്ക് അവതരിപ്പിക്കുന്ന തീയതിയും തായ്‌വാന്‍ കമ്പനി ഐകോണിയ അവതരിപ്പിച്ച ചടങ്ങില്‍ പ്രഖ്യാപിച്ചു. ഫ്ളിപ്പ് സ്‌ക്രീനും ടച്ച് സ്‌ക്രീനുമായിട്ടാണ് ആസ്പയര്‍ ആര്‍7 എത്തുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News