പൂച്ച മാന്തിയ യുവാവ് പേയിളകി മരിച്ചു

അന്തിക്കാട് (തൃശ്ശൂര്‍): നാലുമാസം മുമ്പ് പൂച്ചയുടെ മാന്തേറ്റ യുവാവ് പേയിളകി മരിച്ചു. അന്തിക്കാട് പുലാമ്പുഴകടവ് സ്വദേശി കുന്നത്തുള്ളി പരേതനായ ശാന്തപണിക്കന്‍െറ മകന്‍ സുബ്രു എന്ന നിതിനാണ് (31) മരിച്ചത്. കാറ്ററിങ് തൊഴിലാളിയാണ്.

തളിക്കുളം ചേര്‍ക്കര ഭാഗത്ത് ജോലിക്ക് ശേഷം വിശ്രമിക്കുന്നതിനിടെയാണ് കാലില്‍ പൂച്ച മാന്തിയത്. പൂച്ചയുടെ മാന്തല്‍ കാര്യമാക്കാതിരുന്ന യുവാവ് ഈമാസം രണ്ടിനാണ് പേ പിടിച്ചതുമായി ബന്ധപ്പെട്ട വിഭ്രാന്തികാണിച്ചത്. തുടര്‍ന്ന് തൃശൂര്‍ മെഡിക്കല്‍ കോളജ് ആശുപത്രിയില്‍ ചികിത്സയിലിരിക്കെ വ്യാഴാഴ്ച വൈകീട്ട് 4.30ഓടെ മരിച്ചു. മാതാവ്: സരള. സഹോദരന്‍: സന്ദീപ്. യുവാവുമായി അടുത്തിടപഴകിയവര്‍ ചികിത്സക്ക് വിധേയരാകാന്‍ ആരോഗ്യവകുപ്പ് നിര്‍ദേശിച്ചിട്ടിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News