പ്രാര്‍ത്ഥനാ മന്ത്രങ്ങളോതി അയ്യൂബ്ഖാന്‍ സഅദിക്ക് ആയി­ര­ങ്ങ­ളുടെ അന്ത്യോ­പ­ചാ­രം

കാസര്‍കോട്: സഅ­ദിയ്യ പ്രചാ­ര­ണ­ത്തി­നിടെ വെള്ളി­യാഴ്ച വൈകിട്ട് കുട­കിലെ മടി­ക്കേ­രി­യി­ലു­ണ്ടായ വാഹ­നാ­പ­ക­ട­ത്തില്‍ മരിച്ച പ്രമുഖ പണ്ഡി­തനും സഅ­ദിയ്യ ശരീ­അത്ത് കോളജ് പ്രൊഫ­സ­റു­മായ അയ്യൂബ് ഖാന്‍ സഅദി കൊല്ല­ത്തിന് സഅ­ദി­യ്യയുടെ മുറ്റ­ത്ത് ശ­നി­യാഴ്ച പുലര്‍ച്ചെ ആയി­ര­ങ്ങള്‍ അന്ത്യോ­പ­ചാ­ര­മര്‍പി­ച്ചു. രാത്രി തന്നെ നട­പ­ടി­കള്‍ പൂര്‍ത്തി­യാക്കി മയ്യി­ത്ത് ശ­നി­യാഴ്ച പുലര്‍ച്ചെ നാല് മണി­യോടെ സഅ­ദി­യ്യ­യി­ലെ­ത്തി­ക്കു­ക­യാ­യി­രു­ന്നു. ജില്ല­യുടെയും കര്‍ണാ­ട­ക­യു­ടെയും വിവിധ ഭാഗ­ങ്ങ­ളില്‍ നിന്ന് ആയി­ര­ങ്ങ­ളാണ് പ്രിയ നേതാ­വിനെ ഒരു നോക്ക് കാണാന്‍ സഅ­ദി­യ്യയി­ലെ­ത്തി­യത്.

ഒന്നര മണി­ക്കൂ­റോളം സഅ­ദിയ്യ ജ­ലാ­ലിയ്യ: ഓഡി­റ്റോ­റി­യ­ത്തില്‍ പൊതു ദര്‍ശ­ന­ത്തിനു വെ­ച്ച മൃ­ത­ദേ­ഹ­ത്തില്‍ ജീവി­ത­ത്തിന്റെ നാനാ­തു­റ­ക­ളില്‍പെട്ട­വര്‍ അന്ത്യോ­പ­ചാ­ര­മര്‍പി­ച്ചു.

ജാ­മിഅഃ സഅ­ദിയ്യഃ ജന­റല്‍ സെക്ര­ട്ടറി സയ്യിദ് കെ.­എ­സ്. ­ആ­റ്റ­ക്കോയ തങ്ങ­ള­ടക്കം പ്രമു­ഖ­രുടെ നേതൃ­ത്വ­ത്തില്‍ പല തവ­ണ­ക­ളായി മയ്യിത്ത് നിസ്‌കാരം നട­ന്നു. സുബ്ഹി നിസ്‌കാരശേഷം പള്ള­ങ്കോട് അബ്ദുല്‍ ഖാദിര്‍ മദ­നി, അബ്ദുല്‍ കരീം സഅദി ഏണി­യാടി എന്നി­വ­രുടെ നേതൃ­ത്വ­ത്തില്‍ മൃ­ത­ദേഹം പ്രത്യേ­ക ആംബു­ലന്‍സില്‍ സ്വദേ­ശ­മായ കൊല്ലം ജില്ല­യിലെ പറ­വൂ­രിലേക്ക് കൊണ്ടുപോയി.

സഅ­ദി­യ്യഃ ജ­ന­റല്‍ സെ­ക്രട്ട­റി സ­യ്യി­ദ് കെ.എ­സ്. ആ­റ്റ­ക്കോയ ത­ങ്ങള്‍ കു­മ്പോള്‍, ജ­ലാ­ലി­യ്യഃ സ­മിതി ചെ­യര്‍മാന്‍ സ­യ്യിദ് ജ­അ്­ഫര്‍ സ്വാ­ദി­ഖ് ത­ങ്ങള്‍ കു­മ്പോല്‍, കെ.പി.എ­സ്. ജ­മ­ലുലൈലി ത­ങ്ങള്‍ ബേ­ക്കല്‍, സ­അ­ദി­യ്യഃ വര്‍­കിം­ഗ് സെ­ക്രട്ട­റി എ.പി. അ­ബ്ദുല്ല മു­സ്ലി­യാര്‍ മാ­ണി­ക്കോ­ത്ത്, ഹൂ­സൈന്‍ സഅ­ദി കെ.സി. റോ­ഡ്, എ­സ്.വൈ.എ­സ്. ജില്ലാ പ്ര­സിഡന്റ് പ­ള്ള­ങ്കോ­ട് അ­ബ്ദുല്‍ ഖാ­ദിര്‍ മ­ദ­നി, അ­ബ്ദുല്‍ കരീം സഅ­ദി ഏ­ണി­യാടി, എസ്.എം.എ. ജില്ലാ സെ­ക്രട്ടറി എസ്.എ. ഹ­മീ­ദ് മൗല­വി ആ­ലം­പാ­ടി, സ­യ്യി­ദ് ജ­ലാ­ലൂദ്ദീന്‍ സ­അ­ദി മ­ള്­ഹര്‍, സ­യ്യി­ദ് അഹ്മ­ദ് മു­ഖ്താര്‍, ഉ­ള്ളാള്‍ ദര്‍­ഗാ വൈ­സ് പ്ര­സിഡന്റ് അ­ഷ്റഫ് ഹാ­ജി, സി.ബി. ഹ­നീ­ഫ, പാ­ദൂര്‍ കു­ഞ്ഞാ­മു ഹാജി, അ­ലി കു­ട്ടി ഹാജി, ചി­ത്താ­രി അ­ബ്ദുല്ല ഹാ­ജി, ശാ­ഹുല്‍ ഹ­മീ­ദ് ഹാ­ജി തൃ­ക്ക­രി­പ്പൂര്‍, ക­ന്തല്‍ സൂ­പ്പി മ­ദനി, സി­ദ്ദീ­ഖ് സി­ദ്ദീഖി, പാ­റപ്പ­ള്ളി ഇ­സ്മാഈല്‍ സഅദി, മു­ഹമ്മ­ദ് സ­ഖാ­ഫി പാ­ത്തൂര്‍ ല­ത്വീഫിയ്യ, ബ­ഷീര്‍ പു­ളി­ക്കൂര്‍, കു­വൈ­ത്ത് അ­ബ്ദുല്ല ഹാജി, ബി.കെ. അ­ബ്ദുല്ല ഹാജി, കല്ലങ്ക­ടി ഉ­മ്പു ഹാജി തുട­ങ്ങി­യ­വര്‍ സഅ­ദി­യ്യ­യി­ലെത്തി അനു­ശോ­ചി­ച്ചു.

ജാ­മിഅഃ സഅ­ദിയ്യഃ പ്രസി­ഡന്റ് സയ്യിദ് അബ്­ദുര്‍ റഹ്മാന്‍ അല്‍ബു­ഖാ­രി, ജന­റല്‍ സെക്ര­ട്ടറി സയ്യിദ് കെ.എസ്. ആറ്റ­ക്കോയ തങ്ങള്‍ കുമ്പോല്‍, ജന­റല്‍ മാനേ­ജര്‍ നൂറുല്‍ ഉലമ എം.എ. അബ്ദുല്‍ ഖാദിര്‍ മുസ്‌ലി­യാര്‍, സമസ്ത സെക്ര­ട്ടറി കാന്ത­പുരം എ.പി അബൂ­ബ­ക്കര്‍ മുസ്ലി­യാര്‍ തുട­ങ്ങി­യ­വര്‍ അനു­ശോ­ചി­ച്ചു. മും­ബൈ­യി­ലുള്ള സ­അദിയ ട്രഷറര്‍ കല്ല­ട്ര മാ­ഹിന്‍ ഹാ­ജി അ­നു­ശോച­നം അ­റി­യിച്ചു.

സഅ­ദിക്കു വേണ്ടി പ്രാര്‍ത്ഥനാ മജ്‌ലി­സു­കള്‍ സംഘി­ട­പ്പി­ക്കാന്‍ ആഹ്വാനം ചെയ്തു. സഅ­ദി­യ്യില്‍ നിന്ന് ഉന്നത ബിരു­ദ­മെ­ടുത്ത അയ്യൂബ് ഖാന്‍ സഅദി കഴിഞ്ഞ പത്ത് വര്‍ഷ­ത്തി­ലേറെയായി സഅ­ദി­യ്യയില്‍ തന്നെ സേ­വ­ന­മ­നു­ഷ്ഠിച്ചു വരി­ക­യാ­യി­രു­ന്നു. ആയി­ര­ത്തി­ലേറെ പ്രഭാ­ഷ­ണ­­വേ­ദി­ക­ളില്‍ പങ്കെ­ടു­ത്തി­ട്ടുള്ള അദ്ദേ­ഹ­ത്തിന് നാടൊ­ട്ടുക്കും വലിയ സൗഹൃദ ബന്ധ­മു­ണ്ട്. വിദ്യാ­ന­ഗര്‍ സഅ­ദിയ്യ സെന്റര്‍, ചെമ്മനാട് സുന്നി സെന്റര്‍ എന്നി­വി­ട­ങ്ങ­ളില്‍ ഖത്വീ­ബാ­യി­രുന്നു.

എ­സ്.വൈ.എ­സ്. കൊല്ലം ജില്ലാ പ്ര­വര്‍­ത്ത­ക സ­മി­തി അം­ഗം, സ­അ­ദി­യ്യഃ ജ­ലാ­ലി­യ്യഃ ക­ണ്‍വീ­നര്‍ എ­ന്നീ നി­ല­ക­ളില്‍ പ്ര­വര്‍­ത്തി­ച്ച­വ­രി­ക­യാ­യി­രുന്നു. കൊല്ലം കോ­ങ്കാള്‍ പ­രവൂര്‍ സ്വ­ദേ­ശി­യാ­ണ്. ഹ­സ്‌­നാര്‍ കു­ഞ്ഞി­ - പ­രേ­തയാ­യ മ­റി­യം ബീ­വി ദ­മ്പ­തി­ക­ളുടെ മ­ക­നാണ്. ഭാ­ര്യ: സ­മീ­റ. മ­ക്കള്‍: ബുഷ്റ, ഫാ­യി­സ.

വെ­ള്ളി­യാഴ്ച വാ­ഹ­നാ­പ­ക­ട­ത്തില്‍ മ­ര­ണ­പ്പെ­ട്ട പ്രമു­ഖ സു­ന്നീ യു­വ പ­ണ്ഡി­തന്‍ അ­യ്യൂ­ബ് ഖാന്‍ സ­അ­ദി­യു­ടെ പേ­രില്‍ ത­ഹ്ലീല്‍ സദ­സ്സ് ശ­നി­യാഴ്­ച ഉച്ച­ക്ക് ദേളി സ­അ­ദി­യ്യ: മ­സ്ജി­ദ്, സൂ­ന്നീ സെന്റര്‍ കാസര്‍­കോ­ട്, വി­ദ്യാ­ന­ഗര്‍ സ­അ­ദി­യ്യ: സെന്റര്‍ മ­സ്­ജി­ദിലും വൈ­കി­ട്ട് ചെ­മ്മ­നാ­ട് സു­ന്നീ സെന്റര്‍ മ­സ്­ജി­ദിലും നട­ക്കും.

     

Keywords: Kannur, Kasargod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News