വിദ്യാര്‍ഥിനിയുടെ മരണം: ഭക്ഷ്യവിഷബാധയല്ലെന്ന് സൂചന

തിരുവനന്തപുരം: എം.ബി.ബി.എസ്. വിദ്യാർത്ഥിനിയുടെ ദുരൂഹ മരണവുമായി ബന്ധപ്പെട്ട് പൊലീസ് പോണ്ടിച്ചേരി ജിപ്മർ യൂണിവേഴ്സിറ്റിയിൽ പോയി അന്വേഷണം നടത്തും. ശനിയാഴ്ചയാണ് ഉ​ള്ളൂർ നീ​രാ​ഴി ലെ​യിൻ എ​ൻ.​​​എ​ൽ.​​​ആ​ർ.​​​എ 338 ഭാ​ഗ്യ​​​ശ്രീ​​​യിൽ ഡോ. രാ​ജീ​​​വി​ന്റെ​യും (​തി​രു​​​വ​​​ന​​​ന്ത​​​പു​രം ക​ണ്ണാ​​​ശു​​​പ​ത്രി) മെ​ഡി​​​ക്ക​ൽ​കോ​​​ളേ​ജ് ആ​ശു​​​പ​​​ത്രി​ ബ​യോ​​​കെ​​​മി​സ്ട്രി വി​ഭാ​​​ഗ​​​ത്തി​ലെ ഡോ. സോ​ജ​​​യു​​​ടെ​യും മ​ക​ളായ ര​ജിത രാ​ജീ​വ് (20) മ​രി​ച്ച​ത്. ക​ഴ​ക്കൂ​ട്ട​ത്തെ ഹോ​ട്ട​ലിൽ നി​ന്ന് ബി​രി​യാ​ണി ക​ഴി​ച്ച​തി​നെ തു​ട​ർ​ന്നു​ണ്ടായ ഭ​ക്ഷ്യ​വി​ഷ​ബാ​ധ​യാ​ണ് മ​ര​ണ​കാ​ര​ണ​മെ​ന്ന് ബ​ന്ധു​ക്കൾ ആ​രോ​പി​ച്ചി​രു​ന്നു. എ​ന്നാൽ ഈ ആ​രോ​പ​ണം സാ​ധൂ​ക​രി​ക്കു​ന്ന തെ​ളി​വു​ക​ളൊ​ന്നും പൊ​ലീ​സി​നോ ഭ​ക്ഷ്യ​സു​ര​ക്ഷാ ഉ​ദ്യോ​ഗ​സ്ഥ​ർ​ക്കോ ല​ഭി​ച്ചി​ട്ടി​ല്ല.

ഞായറാഴ്ച  മെ​ഡി​ക്കൽ കോ​ളേ​ജ് ആ​ശു​പ​ത്രി​യിൽ മൃ​ത​ദേ​ഹം പോ​സ്റ്റമോ​ർ​ട്ടം ചെ​യ്ത​ശേ​ഷം ബ​ന്ധു​ക്ക​ൾ​ക്ക് വി​ട്ടു​കൊ​ടു​ത്തു. പോ​സ്റ്റു​മോ​ർ​ട്ടം സം​ബ​ന്ധി​ച്ച വി​വ​ര​ങ്ങൾ ഡോ​ക്ട​ർ​മാർ പൊ​ലീ​സി​ന് ന​ൽ​കി​യി​ട്ടി​ല്ല. മൈക്രോബയോളജി വിഭാഗത്തിലെ റി​പ്പോ​ർ​ട്ടു കൂ​ടി ല​ഭ്യ​മാ​കേ​ണ്ട​തു​ണ്ടെ​ന്നാ​ണ് ഡോ​ക്ട​ർ​മാർ പൊ​ലീ​സി​നെ അ​റി​യി​ച്ചി​രി​ക്കു​ന്ന​ത്. ല​ഭ്യ​മായ സൂ​ചന അ​നു​സ​രി​ച്ച് ഭ​ക്ഷ്യ​വിഷബാധ മ​ര​ണ​കാ​ര​ണ​മാ​കാ​നു​ള്ള സാ​ധ്യ​ത​യി​ല്ലെ​ന്ന് മെ​ഡി​ക്കൽ കോ​ളേ​ജ് സി.ഐ .​നാ​സ​റു​ദ്ദീൻ പ​റ​ഞ്ഞു. വി​ഷം ഉ​ള്ളിൽ ചെ​ന്നതാകാം മ​ര​ണ​കാ​ര​ണ​മെ​ന്നും പൊ​ലീ​സ് സം​ശ​യി​ക്കു​ന്നു. ഭ​ക്ഷ്യ​വിഷബാ​ധ​യ്ക്കു​ള്ള സാ​ദ്ധ്യത വി​ര​ള​മാ​ണെ​ന്ന് ഭ​ക്ഷ്യ​സു​ര​ക്ഷാ വ​കു​പ്പ് ഉ​ദ്യോ​ഗ​സ്ഥ​രും പ​റ​യു​ന്നു. ഹോ​ട്ട​ലിൽ നി​ന്ന് ക​ഴി​ച്ച ബി​രി​യാ​ണി​യാ​ണ് മ​ര​ണ​കാ​ര​ണ​മെ​ങ്കിൽ ഇ​തേ ബി​രി​യാ​ണി ക​ഴി​ച്ച മ​റ്റു​ള്ള​വ​ർ​ക്കും ഏ​തെ​ങ്കി​ലും വി​ധ​ത്തി​ലു​ള്ള അ​സ്വ​സ്ഥത ഉ​ണ്ടാ​ക​ണ​മാ​യി​രു​ന്നു. അ​തു​ണ്ടാ​യി​ട്ടി​ല്ലെന്നാ​ണ് ഭ​ക്ഷ്യ​സു​ര​ക്ഷാ ക​മ്മി​ഷ​ണർ ബി​ജു പ്ര​ഭാ​ക​രൻ അ​റി​യി​ച്ച​ത്.

അ​തേ​സ​മ​യം, സം​ഭ​വ​ത്തി​ലെ ദു​രൂ​ഹ​ത​യെ കു​റി​ച്ച് അ​ന്വേ​ഷി​ക്ക​ണ​മെ​ന്നാ​വ​ശ്യ​പ്പെ​ട്ട് ക​ഴ​ക്കൂ​ട്ടം ഹ​ലാ​യീ​സ് ദം ബി​രി​യാ​ണി ഹോ​ട്ടൽ ഉ​ടമ ഷി​റോ​സ്ഖാൻ മെ​ഡി​ക്കൽ കോ​ളേ​ജ് സ​ർ​ക്കിൾ ഇ​ൻ​സ്പെ​ക്ട​ർ​ക്ക് പ​രാ​തി ന​ൽ​കി. പെ​ൺ​കു​ട്ടി​യു​ടെ ഡോ​ക്ട​ർ​മാ​രായ മാ​താ​പി​താ​ക്ക​ളു​ടെ സ്വാ​ധീ​നം നി​മി​ത്തം കേ​സിൽ ഇ​ട​പെ​ട​ലു​ക​ളും തി​രി​മ​റി​ക​ളും ഉ​ണ്ടാ​കാ​നി​ട​യു​ണ്ടെ​ന്നും ഹോ​ട്ടൽ ഉ​ട​മ​യു​ടെ പ​രാ​തി​​യിൽ പ​റ​യു​ന്നു​ണ്ട്. ഹോ​ട്ടൽ ഭ​ക്ഷ്യ​സു​ര​ക്ഷാ ഉ​ദ്യോ​ഗ​സ്ഥർ അ​ട​പ്പി​ച്ചി​രി​ക്കു​ക​യാ​ണ്.

പോണ്ടിച്ചേരിയിൽ ര​ണ്ടാം​​​വ​ർഷ എം.​​​ബി.​​​ബി.​​​എ​​​സ് വി​ദ്യാ​ർ​ത്ഥി​നി​​​​​യാ​യി​രു​ന്നു രജിത. അവിടെ വിദ്യാർത്ഥിനിയ്ക്കുള്ള ബന്ധങ്ങളും വിവരങ്ങളും അന്വേഷിക്കാനാണ് പൊലീസ് പോകുന്നത്. ഞായറാഴ്ച രജിതയു‌ടെ മുറി പൊലീസ് പരിശോധിച്ചിരുന്നു. എന്തെങ്കിലും ഗുളികകളോ, വിഷമോ കണ്ടെത്താനായിട്ടില്ല. കുട്ടിയ്ക്ക് മറ്റെന്തെങ്കിലും രഹസ്യബന്ധമുള്ള വിവരവും രക്ഷകർത്താക്കൾക്ക് അറിയില്ല.

മെഡിക്കല്‍ വിദ്യാര്‍ഥിനിയുടെ മരണത്തില്‍ ദുരൂഹത; ഭക്ഷ്യവിഷബാധ യേറ്റാണെന്ന് ബന്ധുക്കള്‍

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News