മരത്തിന് മുകളില് കുടുങ്ങിയയാളെ രക്ഷിക്കാനെത്തിയതാണെന്ന് പറഞ്ഞപ്പോള് പോലീസുകാര് പരിഹസിച്ചതായി ഫയര്ഫോഴ്സ് ഉദ്യോഗസ്ഥര് പറയുന്നു. മരത്തില് കയറി ഊഞ്ഞാല് കെട്ടാനുള്ള വലിയ ഏണിയുമായി വരാനാണ് ആവശ്യപ്പെതെന്നും പോലീസുകാര് പറഞ്ഞു. ഊഞ്ഞാലുകെട്ടാന് സാധിക്കില്ലെന്ന് പറഞ്ഞ് ഫയര്ഫോഴ്സുകാര് മടങ്ങി.
തുടര്ന്ന് വ്യാജസന്ദേശത്തിന്റെ ഉറവിടത്തെക്കുറിച്ച് പോലീസ് കണ്ട്രോള് റൂമില് അന്വേഷിച്ചപ്പോള്, ക്യാമ്പില് നിന്നുവന്ന വയര്ലെസ് സന്ദേശമാണ് ഫയര്ഫോഴ്സിന് നല്കിയതെന്ന മറുപടിയാണ് ലഭിച്ചത്. മരത്തില് ആളുകുടുങ്ങിയെന്ന് ക്യാമ്പില് നിന്ന് വയര്ലെസിലൂടെയാണ് കണ്ട്രോള് റൂമില് അറിയിച്ചത്. ഈ സന്ദേശം കണ്ട്രോള്റൂം ജീവനക്കാര് ഫയര്ഫോഴ്സിന് നല്കുകയും ചെയ്തു.
വ്യാജ സന്ദേശം നല്കിയതിനെക്കുറിച്ച് ഫയര്ഫോഴ്സ് അധികൃതര് സിറ്റി പോലീസ് കമ്മീഷണറോട് പരാതിപ്പെട്ടതോടെ സംഭവം ഏതുവിധേനയും ഒതുക്കാനുള്ള നീക്കത്തിലാണ് പോലീസ് ഉദ്യോഗസ്ഥര്. മരത്തില് ആളുകുടുങ്ങിയതിനെ തുടര്ന്നാണ് ഫയര്ഫോഴ്സിനെ വിളിച്ചതെന്നാണ് ഇപ്പോള് പോലീസിന്റെ വാദം. എന്നാല് അഗ്നിശമനസേന ക്യാമ്പിലെത്തിയപ്പോള് പോലീസ് ഉദ്യോഗസ്ഥര് അവഹേളിക്കുന്ന വിധത്തില് പെരുമാറേണ്ട ആവശ്യമില്ലായിരുന്നുവെന്ന് ഫയര്ഫോഴ്സ് ഉദ്യോഗസ്ഥര് പറയുന്നു.
അടിയന്തര സാഹചര്യങ്ങളില് ഉപയോഗിക്കേണ്ട അഗ്നിശമന സേനയുടെ പ്രവര്ത്തനം പോലീസ് ദുരുപയോഗം ചെയ്തത് വിമര്ശനത്തിനിടയാക്കിയിട്ടുണ്ട്. അതേസമയം മരത്തില് ഊഞ്ഞാലുകെട്ടാന് വേണ്ടി വെള്ളിയാഴ്ചയും പോലീസ്, അഗ്നിശമന സേനയുടെ സേവനം തേടിയിരുന്നു. അത് നിരസിച്ചതിന്റെ പകപോക്കലാണ് ശനിയാഴ്ച അരങ്ങേറിയതെന്ന് പറയപ്പെടുന്നു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment