വിദ്യാര്‍ഥികളുടെ ജീവിതത്തില്‍ വിഷം കലര്‍ത്തരുതെന്ന് നടന്‍ മമ്മൂട്ടി

ആലപ്പുഴ: വിദ്യാര്‍ഥികളുടെ ജീവിതത്തില്‍ വിഷം കലര്‍ത്തരുതെന്ന് നടന്‍ മമ്മൂട്ടി. ആലപ്പുഴയില്‍ മികച്ച വിജയം നേടിയ വിദ്യാര്‍ഥികള്‍ക്ക് അവാര്‍ഡ് നല്‍കികൊണ്ട് സംസാരിക്കുകയായിരുന്നു മമ്മൂട്ടി. കുട്ടികളിലേയ്ക്ക് മാതാപിതാക്കള്‍ വിഷം കുത്തിവെയ്ക്കാതെ പ്രകൃതിയോട് ഇഴുകിച്ചേര്‍ന്ന് ജീവിക്കാന്‍ ശീലിപ്പിക്കണം. പ്രകൃതിയെ സ്‌നേഹിക്കുന്ന ഒരു പുത്തന്‍ തലമുറയെ സൃഷ്ടിക്കുവാനും ആ തലമുറ പ്രകൃതിയില്‍ നിന്ന് വിട്ടുപോകുകയില്ലെന്ന് വിശ്വസിക്കാമെന്നും മമ്മൂട്ടി പറഞ്ഞു.

നമുക്ക് വായുവും വെള്ളവും ആഹാരവുമാണ് പ്രാഥമികമായ കാര്യം. ഇത് പ്രകൃതിയില്‍ നിന്നും വേറിട്ടുനില്‍ക്കുന്നതല്ല. മറിച്ച് പ്രകൃതിയുടെ തന്നെ ഭാഗമാണ്. നമ്മുടെ സംസ്‌കാരത്തിന് അനുഗുണമായ പ്രകൃതിയോട് യോജിച്ച് നില്‍ക്കുന്ന തലമുറ മുന്നോട്ടുവരട്ടെ എന്ന് അദ്ദേഹം പ്രത്യാശ പ്രകടിപ്പിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Alappuzha, Actor, Mammootty