ഇനി ഹൃദയമിടിപ്പ് പാസ്‌വേഡ്

ടൊറന്റോ: പാസ്‌വേഡുകളുടെ വെള്ളപ്പാച്ചിലിൽ വിഷമിക്കുന്നവർക്ക് ടൊറന്റോയിലെ ബയോനിം എന്ന കന്പനി ആശ്വാസവുമായെത്തുന്നു. ഒരു വ്യക്തിയുടെ ഹൃദയമിടിപ്പിനെ ഏറ്റവും സുരക്ഷിതമായ പാസ്‌വേഡ് ആക്കി മാറ്റാമെന്നാണ് ബയോനിം കണ്ടെത്തിയിരിക്കുന്നത്. ഇതിനുവേണ്ടി ആകെ ചെയ്യേണ്ടത് കൈത്തണ്ടയിൽ ബ്രേസ്‌ലെറ്റ് പോലെ ഒരു ബാൻഡ് ധരിക്കുക എന്നതാണ്. നൈമി എന്നാണ് ഈ ബാൻഡിന് പേരിട്ടിരിക്കുന്നത്.

നൈമിയിൽ വിരലമർത്തുന്പോൾ ഹൃദയമിടിപ്പിനെ ഇസിജി സിഗ്നലുകളായി മാറ്റി ബ്ലൂടൂത്ത് വഴി ഉപകരണങ്ങളിലേക്ക് പ്രസരിപ്പിക്കുകയാണ് ചെയ്യുന്നത്. ഐപാഡ് മുതൽ കാറുകൾക്കുവരെ ഈ സിഗ്നലുകൾ തിരിച്ചറിയാനാവും. രണ്ടു മിനിറ്റ് കൈത്തണ്ടയിൽ വിരലമർത്തണമെന്നേയുള്ളു. കാലക്രമത്തിൽ ഈ സമയദൈർഘ്യം കുറയ്‌ക്കാനുമാവും.
കൃഷ്ണമണി,​ വിരൽതുന്പ് തുടങ്ങിയ ബയോമെട്രിക് സംവിധാനങ്ങളെക്കാൾ സുരക്ഷിതമാണ് നൈമി എന്ന് ബയോനിം സാക്ഷ്യപ്പെടുത്തുന്നു.

നൈമിയെ ആംഗ്യത്തിലൂടെ ഉപയോഗിക്കാനുമാവും. കാറിന്റെ ഡോറുകളിൽ പിടിപ്പിച്ച സെൻസറുക‍ൾക്ക് സമീപം കൈവീശുകയാണെങ്കിൽ സിഗ്നലിലൂടെ കാർ തുറക്കാനാവും. ഇമെയിൽ,​ സോഷ്യൽ മീഡിയ സന്ദേശങ്ങൾ ലഭിക്കുന്പോൾ അത് കന്പനത്തിലൂടെ അറിയിക്കാനുള്ള സംവിധാനവും നൈമിയിൽ ചേ‌ർത്തിട്ടുണ്ട്. ഇപ്പോഴത്തെ ഡോളർ വിലയിൽ നൈമിക്ക് 65,​000 രൂപ കൊടുക്കേണ്ടിവരും. ഇനിയും വില കുറയാനാണ് സാദ്ധ്യത. ഈയാഴ്ചതന്നെ നൈമി പുറത്തിറങ്ങും. ഐഒഎസ്,​ ആൻഡ്രോയ്ഡ്,​ വിൻഡോസ് തുടങ്ങിയ മിക്ക ഓപ്പറേറ്റിംഗ് സംവിധാനങ്ങളിലും നൈമി പ്രവർത്തിക്കും.


Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Toranto, Password, Heart, nymi