പോലീസ് മര്‍ദനമേറ്റ യുവാവിന് അരലക്ഷം രൂപ നഷ്ടപരിഹാരം

കോഴിക്കോട്: സാഗര്‍ ഹോട്ടലിലെ ഒളിക്യാമറ കേസില്‍ പോലീസുകാരുടെ മര്‍ദനത്തിനിരയായ യുവാവിന് അരലക്ഷംരൂപ നഷ്ടപരിഹാരം നല്കി. കേസിലെ പരാതിക്കാരിയുടെ ബന്ധു രാഹുലിനാണ് നഷ്ടപരിഹാരത്തുക അനുവദിച്ചത്. തുക നല്കാന്‍ മനുഷ്യാവകാശക്കമ്മീഷനാണ് ഉത്തരവിട്ടത്. ഇത് നടപ്പാക്കാന്‍ സര്‍ക്കാര്‍ ഡി.ജി.പി.ക്ക് നിര്‍ദേശം നല്കി. 

മനുഷ്യാവകാശ കമ്മീഷന്‍ നിര്‍ദേശിച്ചപ്രകാരം സംഭവസമയത്തെ നടക്കാവ് പ്രിന്‍സിപ്പല്‍ എസ്.ഐ. കെ.കെ. ബിജു, പ്രൊബേഷണറി എസ്.ഐ. ജി. സുനില്‍ എന്നിവരില്‍നിന്ന് ഈടാക്കിയാണ് ഈ തുക നല്‍കിയത്. സപ്തംബര്‍ 27-നാണ് ഈ തുകയുടെ ചെക്ക് അനുവദിച്ചത്.

2010 മാര്‍ച്ച് 11-നാണ് മാവൂര്‍റോഡിലെ സാഗര്‍ ഹോട്ടലിന്റെ സ്ത്രീകളുടെ മൂത്രപ്പുരയില്‍നിന്ന് മൊബൈല്‍ഫോണ്‍ ക്യാമറ കണ്ടെത്തിയത്. ഇത് കണ്ടെത്തിയ പെണ്‍കുട്ടിയുടെ ബന്ധുവായ രാഹുലിനെ നടക്കാവ് പോലീസ് അകാരണമായി മര്‍ദിച്ചതില്‍ അടുത്തദിവസം തന്നെ മനുഷ്യാവകാശകമ്മീഷന്‍ കേസെടുത്തിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News