സ്ഥലത്തിന്റെ രൂപരേഖ തയ്യാറാക്കുന്നതിന് കൈക്കൂലി: ആദൂര്‍ വില്ലേജ് ഓഫിസര്‍ അറസ്റ്റില്‍

കാസര്‍കോട്: കൈക്കൂലി വാങ്ങുന്നതിനിടെ വില്ലേജ് ഓഫീസറെ വിജിലന്‍സ് സംഘം അറസ്റ്റുചെയ്തു. ആദൂര്‍ വില്ലേജ് ഓഫീസറും പരവനടുക്കം സ്വദേശിയുമായ കെ.അനില്‍കുമാര്‍(36) ആണ് അറസ്റ്റിലായത്. സ്ഥലത്തിന്റെ രൂപരേഖ തയ്യാറാക്കുന്നതിന് ആദൂരിലെ ഫറൂഖിനോട് ആയിരം രൂപ കൈക്കൂലി വാങ്ങുന്നതിനിടെയാണ് ഡിവൈ.എസ്.പി. കെ.ദാമോദരന്റെ നേതൃത്വത്തിലുള്ള സംഘം അനില്‍കുമാറിനെ അറസ്റ്റുചെയ്തത്. ബുധനാഴ്ച 11.40നാണ് അനില്‍കുമാര്‍ പിടിയിലായത്.

അനില്‍കുമാറിനെ കോഴിക്കോട് വിജിലന്‍സ് കോടതിയില്‍ ഹാജരാക്കും. വിജിലന്‍സ് ഇന്‍സ്‌പെക്ടര്‍ വി.ഉണ്ണിക്കൃഷ്ണന്‍, എ.എസ്.ഐ.മാരായ രാംദാസ്, രാജീവന്‍, സീനിയര്‍ സിവില്‍ പോലീസ് ഓഫീസര്‍മാരായ വിശ്വനാഥന്‍, ബാബു, മധു, സിവില്‍ പോലീസ് ഓഫീസര്‍മാരായ രാധാകൃഷ്ണന്‍, കൃഷ്ണന്‍, ജയപ്രകാശ്, വിനോദ് എന്നിവരടങ്ങിയ സംഘമാണ് റെയ്ഡിന് നേതൃത്വംനല്‍കിയത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,